Ońtústik jáne Batys Qazaqstan oblystarynyń qarym-qatynasy aldaǵy ýaqytta dami túsedi. Bul týraly úngeige kelgen batystyq delegatsiianyń jumys sapary barysynda aityldy, dep habarlaidy "Ult aqparat".
Batys Qazaqstan oblysynyń ákimi bastap kelgen delegatsiiany óńir basshysy Janseiit Túimebaev ózi bas bolyp qarsy aldy. Jumys saparynyń qorytyndysy boiynsha oblys ákimdikteri men biznes ókilderi arasynda birneshe kelisim jasaldy.
Batys Qazaqstan oblysy ákimi Altai Kólginov bastaǵan delegatsiiany Ońtústiktiń múmkindikterimen oblys ákimi Janseiit Túimebaevtyń ózi tanystyrdy. Kezdesýdiń basty maqsaty – óńiraralyq qarym-qatynasty damytý, ásirese, kooperatsiianyń damýyn jolǵa qoiý.
Óz kezeginde BQO ákimi Altai Kólginov Janseiit Qanseiitulyna kórsetilgen qurmet úshin alǵys aityp, túrli salada óńiraaralyq áriptestikti jolǵa qoiý maqsatyn bildirdi. Naqty aitqanda, taýar ainalymy kólemin arttyrý, eki óńir arasyndaǵy ekonomikalyq ahýaldy jaqsartýǵa basa nazar aýdarylmaq.
Kezdesý qorytyndysy boiynsha OQO jáne BQO ákimdikteri men biznes-qaýymdastyq ókilderi arasynda eki jaqty áriptestikti nyǵaitýy aiasynda 2 memorandým men 1 kelisim shart jasaldy. Endi investitsiia jáne óndiris salasy, shaǵyn jáne orta biznes, saýda, týrizm, aýyl-sharýashylyǵy men densaýlyq saqtaý salalarynda áriptestik ornatylmaq. Buǵan qosa Kentaý transormator zaýyty men Qarashyǵanaq Petroleým Opereiting kásiporn, “Shymkenttsement” jáne “BafkerHiýges” kompaniialary arasynda da memorandým túzildi.
Jiynnan keiin qonaqtar qaladaǵy kásiporyndarmen tanysty. Mysaly, otandyq taýarlardyń qataryn toltyrǵan “Karlskrona” seriktestiginiń ónimderi batysqazaqstandyqtardy qyzyqtyryp otyr. Budan bólek delegatsiia Shymshahardaǵy tsement jáne toqyma óndiris oryndarymen tanysty.
Foto: Samat Myrzaliev
