وڭتٷستٸك جەنە باتىس قازاقستان وبلىستارىنىڭ قارىم-قاتىناسى الداعى ۋاقىتتا دامي تٷسەدٸ. بۇل تۋرالى ٷنگەيگە كەلگەن باتىستىق دەلەگاتسييانىڭ جۇمىس ساپارى بارىسىندا ايتىلدى, دەپ حابارلايدى "ۇلت اقپارات".
باتىس قازاقستان وبلىسىنىڭ ەكٸمٸ باستاپ كەلگەن دەلەگاتسييانى ٶڭٸر باسشىسى جانسەيٸت تٷيمەباەۆ ٶزٸ باس بولىپ قارسى الدى. جۇمىس ساپارىنىڭ قورىتىندىسى بويىنشا وبلىس ەكٸمدٸكتەرٸ مەن بيزنەس ٶكٸلدەرٸ اراسىندا بٸرنەشە كەلٸسٸم جاسالدى.
باتىس قازاقستان وبلىسى ەكٸمٸ التاي كٶلگٸنوۆ باستاعان دەلەگاتسييانى وڭتٷستٸكتٸڭ مٷمكٸندٸكتەرٸمەن وبلىس ەكٸمٸ جانسەيٸت تٷيمەباەۆتىڭ ٶزٸ تانىستىردى. كەزدەسۋدٸڭ باستى ماقساتى – ٶڭٸرارالىق قارىم-قاتىناستى دامىتۋ, ەسٸرەسە, كووپەراتسييانىڭ دامۋىن جولعا قويۋ.
ٶز كەزەگٸندە بقو ەكٸمٸ التاي كٶلگٸنوۆ جانسەيٸت قانسەيٸتۇلىنا كٶرسەتٸلگەن قۇرمەت ٷشٸن العىس ايتىپ, تٷرلٸ سالادا ٶڭٸراارالىق ەرٸپتەستٸكتٸ جولعا قويۋ ماقساتىن بٸلدٸردٸ. ناقتى ايتقاندا, تاۋار اينالىمى كٶلەمٸن ارتتىرۋ, ەكٸ ٶڭٸر اراسىنداعى ەكونوميكالىق احۋالدى جاقسارتۋعا باسا نازار اۋدارىلماق.
كەزدەسۋ قورىتىندىسى بويىنشا وقو جەنە بقو ەكٸمدٸكتەرٸ مەن بيزنەس-قاۋىمداستىق ٶكٸلدەرٸ اراسىندا ەكٸ جاقتى ەرٸپتەستٸكتٸ نىعايتۋى اياسىندا 2 مەموراندۋم مەن 1 كەلٸسٸم شارت جاسالدى. ەندٸ ينۆەستيتسييا جەنە ٶندٸرٸس سالاسى, شاعىن جەنە ورتا بيزنەس, ساۋدا, تۋريزم, اۋىل-شارۋاشىلىعى مەن دەنساۋلىق ساقتاۋ سالالارىندا ەرٸپتەستٸك ورناتىلماق. بۇعان قوسا كەنتاۋ ترانسورماتور زاۋىتى مەن قاراشىعاناق پەترولەۋم وپەرەيتينگ كەسٸپورن, “شىمكەنتتسەمەنت” جەنە “بافكەرحيۋگەس” كومپانييالارى اراسىندا دا مەموراندۋم تٷزٸلدٸ.
جيىننان كەيٸن قوناقتار قالاداعى كەسٸپورىندارمەن تانىستى. مىسالى, وتاندىق تاۋارلاردىڭ قاتارىن تولتىرعان “كارلسكرونا” سەرٸكتەستٸگٸنٸڭ ٶنٸمدەرٸ باتىسقازاقستاندىقتاردى قىزىقتىرىپ وتىر. بۇدان بٶلەك دەلەگاتسييا شىمشاھارداعى تسەمەنت جەنە توقىما ٶندٸرٸس ورىندارىمەن تانىستى.
فوتو: سامات مىرزاليەۆ
