Foto: ec-sport.kz/©Muhit Qonarov
"Ońtústik" óńirlik qolbasshylyǵynyń burynǵy qolbasshysy Qaidar Qaraqulov qamaýdan bosatyldy. Aqparatty IIM Tergeý departamentiniń Áskeri tergeý basqarmasy rastady, - dep habarlaidy Tengrinews.kz.
"Qamaýǵa alý túrindegi bultartpaý sharasynyń qajettiligi bolmaýyna bailanysty Bas prokýrordyń kómekshisi Qaraqulovty ýaqytsha ustaý izoliatorynan bosatty", - delingen habarlamada.
Sotaldy tergeý jalǵasyp jatyr.
Buǵan deiin "Ońtústik" óńirlik qolbasshylyǵynyń burynǵy qolbasshysy Jambyl oblysyndaǵy órt pen jarylys deregi boiynsha qylmystyq is aiasynda kúdikti dep tanylyp, ýaqytsha ustaý izoliatoryna qamalǵany habarlanǵan bolatyn.
Eske salaiyq, 26 tamyzda Baizaq aýdanynda 28349 áskeri bóliminiń aýmaǵynda órt pen jarylys bolyp, 17 adam qaza tapty. Bir adam habar-osharsyz ketti. Qaza bolǵandardyń arasynda tótenshe jaǵdailar departamentiniń, prokýratýra qyzmetkerleri men áskeri qyzmetshiler bar.
