فوتو: ec-sport.kz/©مۇحيت قوناروۆ
"وڭتٷستٸك" ٶڭٸرلٸك قولباسشىلىعىنىڭ بۇرىنعى قولباسشىسى قايدار قاراقۇلوۆ قاماۋدان بوساتىلدى. اقپاراتتى ٸٸم تەرگەۋ دەپارتامەنتٸنٸڭ ەسكەري تەرگەۋ باسقارماسى راستادى, - دەپ حابارلايدى Tengrinews.kz.
"قاماۋعا الۋ تٷرٸندەگٸ بۇلتارتپاۋ شاراسىنىڭ قاجەتتٸلٸگٸ بولماۋىنا بايلانىستى باس پروكۋروردىڭ كٶمەكشٸسٸ قاراقۇلوۆتى ۋاقىتشا ۇستاۋ يزولياتورىنان بوساتتى", - دەلٸنگەن حابارلامادا.
سوتالدى تەرگەۋ جالعاسىپ جاتىر.
بۇعان دەيٸن "وڭتٷستٸك" ٶڭٸرلٸك قولباسشىلىعىنىڭ بۇرىنعى قولباسشىسى جامبىل وبلىسىنداعى ٶرت پەن جارىلىس دەرەگٸ بويىنشا قىلمىستىق ٸس اياسىندا كٷدٸكتٸ دەپ تانىلىپ, ۋاقىتشا ۇستاۋ يزولياتورىنا قامالعانى حابارلانعان بولاتىن.
ەسكە سالايىق, 26 تامىزدا بايزاق اۋدانىندا 28349 ەسكەري بٶلٸمٸنٸڭ اۋماعىندا ٶرت پەن جارىلىس بولىپ, 17 ادام قازا تاپتى. بٸر ادام حابار-وشارسىز كەتتٸ. قازا بولعانداردىڭ اراسىندا تٶتەنشە جاعدايلار دەپارتامەنتٸنٸڭ, پروكۋراتۋرا قىزمەتكەرلەرٸ مەن ەسكەري قىزمەتشٸلەر بار.
