Meditsinalyq mekemelerge jetkizilgen 100 adam aldaǵy 14 kún boiy karantinde bolady, dep habarlaidy "Ult aqparat" Densaýlyq saqtaý ministrligine silteme jasap.
«2020 jyldyń 4 naýryzynda shyqqan Bas memlekettik sanitardyń qaýlysymen koronavirýs infektsiiasy boiynsha (COVID-19) 1 A sanatyndaǵy (QHR, Ońtústik Koreia men Iran) memleketterden kelgen azamattar jergilikti atqarýshy organdar aiqyndaǵan orynda úzilissiz 14 kúndik karantinge jatýǵa mindetti. 2020 jyldyń 5 naýryzynda saǵat 15.50-de Seýl-Almaty ushaǵymen 197 adam ushyp keldi. Olardyń ishinde tranzitpen kelgenderdiń sany - 97 (Qyrǵyzstan – 23, Ózbekstan – 37, RF – 16, Ýkraina – 18, Ońtústik Koreia – 2, Tájikstan - 1)», - dep habarlaidy Densaýlyq saqtaý ministrliginen.
Ministrliktiń málimetine sáikes, óz azamattary úshin arnaiy avtobýs shyǵarǵan Qyrǵyz Respýblikasy 21 azamatyn eline alyp ketken.
«Jalpy meditsinalyq mekemelerge 100 adam (onyń ishinde tórteýi bala) jetkizildi. Oqshaýlanǵan adamdardyń bári de meditsinalyq baqylaýda. Karantin ýaqyty 14 kúnge sozylady. Osy ýaqytta karantindeý ornyn tastap ketýge bolmaidy. Rejimdi buzǵan adam ákimshilik jaýapkershilikke tartylady», - dep habarlaidy ministrlikten.
Eske sala ketsek, keshe OKQ-da ótken baspasóz máslihatynda Indýstriia jáne infraqurylymdyq damý vitse-ministri Berik Qamaliev Qazaqstanǵa keletin jolaýshylardyń tasymalyn shekteý boiynsha jańa sharalardyń engiziletinin málim etken edi.
Onyń aitýynsha, 8 naýryzdan bastap 1-shi sanattaǵy elderdiń azamattary Qazaqstanǵa kire almaidy. Qazaqstan birinshi sanatqa kirgizgen elderdiń ishinde – Ońtústik Koreia da bar. Alaida bul shekteýdiń sol eldegi Qazaqstan azamattaryna qatysy joq.
