Ońtústik Koreiadan kelgen 10 adam aýrýhanaǵa jatqyzyldy. Bul týraly QR Densaýlyq saqtaý ministrliginiń resmi ókili Dias Ahmetshárip aitty, dep habarlaidy "Ult aqparat".
«QR Ulttyq qaýipsizdik komiteti Shekara qyzmetiniń málimetine sáikes, Qazaqstanǵa búginge deiin 1 mln 736 myń 462 adam keldi. Eýraziialyq ekonomikalyq odaqtan 992 623 adam kirdi. Qytaidan 6 qańtar men 5 naýryz aralyǵynda 33 124 adam keldi», - dedi ol.
Onyń aitýynsha, 20 aqpan men 6 naýryz aralyǵynda proviziialyq statsionarlarǵa 1 «A» sanatyndaǵy elderden, iaǵni Qytaidan 366 adam, 81 - Qazaqstan azamaty, Irannan - 59, 42 - Qazaqstan azamaty, Koreiadan - 312, onyń ishinde 265 qazaqstandyq jatqyzyldy.
«JRVI jáne tumaý belgilerimen 10 adam aýrýhanaǵa jatqyzyldy. Barlyǵy Koreiadan kelgen. Zerthanalyq tekserýden 63 adam ótti. Saraptamalary jaqsy, virýs anyqtalǵan joq.
1 «B» sanaty boiynsha 6 naýryzda úi karatinine 192 adam jatqyzyldy. Onyń 114-i - Qazaqstan azamattary. JRVI belgilerimen 7 adam statsionarǵa jatqyzyldy. Olardyń 4-eýi - italiialyq, ekeýi Maltadan jáne bireýi Japoniiadan kelgen bolatyn«, - dedi Dias Ahmetshárip.
