2020 jyldyń 26 naýryzynda Changvon qalasynda Qazaqstan azamaty Syrym Sháribekke qatysty is boiynsha apelliatsiialyq sottyń qorytyndy otyrysy ótti, dep habarlaidy "Ult aqparat".
«Sot otyrysyna qazaqstandyq diplomattar da qatysty. Koreiadaǵy QR elshiliginiń qoldaýymen aýdarmashy qyzmeti aqysyz negizde usynyldy. Tyńdaý barysynda sot buryn shyǵarylǵan úkimdi (2 jyl 6 ai) tym qatań dep sanap, bas bostandyǵynan aiyrý merzimin túzeý jumystarymen qosa alǵanda 2 jylǵa deiin qysqartý týraly sheshim qabyldady. Sonymen qatar, qorǵaý tarapynyń Koreia Respýblikasynyń Joǵarǵy Sotyna 7 kún ishinde appeliatsiiaǵa berý quqyǵy bar. Atalǵan ýaqyt boiy S. Sháribek tergeý izoliatorynda bolady. Al apelliatsiia bolmaǵan jaǵdaida Changvon qalasynyń túrmesine aýystyrylady», - dep habarlady QR Syrtqy ister ministrliginiń resmi ókili Aibek Smadiiarov.
Jazany óteý merzimi ustalǵan sátten, iaǵni 2019 jyldyń 14 qazanynan bastap esepteledi. Osylaisha, jazanyń jalpy merzimi 1 jyl 6 aidy quraidy.
«Bizdiń otandasymyzdyń jaǵdaiy jaqsy, onyń eshqandai shaǵymy joq», - deidi Aibek Smadiiarov.
Eske sala ketsek osy jyldyń basynda Ońtústik Koreiada balany qaǵyp ketken qazaqstandyq Syrym Sháribek eki jyl alty ai merzimge bas bostandyǵynan aiyrylǵan bolatyn.
