2020 جىلدىڭ 26 ناۋرىزىندا چانگۆون قالاسىندا قازاقستان ازاماتى سىرىم شەرٸبەككە قاتىستى ٸس بويىنشا اپەللياتسييالىق سوتتىڭ قورىتىندى وتىرىسى ٶتتٸ, دەپ حابارلايدى "ۇلت اقپارات".
«سوت وتىرىسىنا قازاقستاندىق ديپلوماتتار دا قاتىستى. كورەياداعى قر ەلشٸلٸگٸنٸڭ قولداۋىمەن اۋدارماشى قىزمەتٸ اقىسىز نەگٸزدە ۇسىنىلدى. تىڭداۋ بارىسىندا سوت بۇرىن شىعارىلعان ٷكٸمدٸ (2 جىل 6 اي) تىم قاتاڭ دەپ ساناپ, باس بوستاندىعىنان ايىرۋ مەرزٸمٸن تٷزەۋ جۇمىستارىمەن قوسا العاندا 2 جىلعا دەيٸن قىسقارتۋ تۋرالى شەشٸم قابىلدادى. سونىمەن قاتار, قورعاۋ تاراپىنىڭ كورەيا رەسپۋبليكاسىنىڭ جوعارعى سوتىنا 7 كٷن ٸشٸندە اپپەلياتسيياعا بەرۋ قۇقىعى بار. اتالعان ۋاقىت بويى س. شەرٸبەك تەرگەۋ يزولياتورىندا بولادى. ال اپەللياتسييا بولماعان جاعدايدا چانگۆون قالاسىنىڭ تٷرمەسٸنە اۋىستىرىلادى», - دەپ حابارلادى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ.
جازانى ٶتەۋ مەرزٸمٸ ۇستالعان سەتتەن, ياعني 2019 جىلدىڭ 14 قازانىنان باستاپ ەسەپتەلەدٸ. وسىلايشا, جازانىڭ جالپى مەرزٸمٸ 1 جىل 6 ايدى قۇرايدى.
«بٸزدٸڭ وتانداسىمىزدىڭ جاعدايى جاقسى, ونىڭ ەشقانداي شاعىمى جوق», - دەيدٸ ايبەك سماديياروۆ.
ەسكە سالا كەتسەك وسى جىلدىڭ باسىندا وڭتٷستٸك كورەيادا بالانى قاعىپ كەتكەن قازاقستاندىق سىرىم شەرٸبەك ەكٸ جىل التى اي مەرزٸمگە باس بوستاندىعىنان ايىرىلعان بولاتىن.
