Ońtústik Koreiada kóz jumǵan 22 jastaǵy qazaqstandyqtyń denesine elge jetkizildi, dep habarlaidy "Ult aqparat".
«Bul másele birinshi kúnnen bastap bizdiń elshiliktiń baqylaýynda boldy. Keshe bárin sheshtik. Bizdiń otandasymyzdyń denesi Qazaqstanǵa jetkizildi. Almatyda ushaq tańerteń qondy. Búgin tústen keiin Shymentke jetkiziledi», - dep habarlady QR SIM resmi ókili Aibek Smadiiarov.
Onyń aitýynsha Qazaqstan men Ońtústik Koreia arasynda aptasyna bir ret qana ushaq qshady.
«Másele bizdiń Seýldegi konsýldyqtyń kúsh salýymen jáne Eir Astana áýe kompaniiasynyń qoldaýymen sheshildi. Diplomattar qaitys bolǵan jigittiń týǵan-týystarymen habarlasyp otyr», - deidi Aibek Smadiiarov.
Eske sala ketsek, ótken aida da Ońtústik Koreiada Qazaqstannyń 2 azamaty qaitys bolǵan edi. Jergilikti politsiianyń qazaqstandyqtarǵa diplomattarǵa bergen aqparatyna sáikes, olar jumys ornynda qaýipsizdik erejelerin saqtamaýdyń saldarynan alǵan jaraqattan qaza bolǵan. Atalǵan jaǵdailar boiynsha tergeý jumystary júrgizilip jatyr.
