Ońtústik Koreiada nóser jańbyr saldarynan kóshkin júrip, tórt adam qaza tapty, bireýi joǵalyp ketti, dep habarlady Yonhap senbi kúni.
Agenttiktiń deregi boiynsha, keleńsiz jaǵdai keshe Seýlden ońtústikke qarai 400 shaqyrym jerde ornalasqan Kokson ýezinde bolǵan.
Kóshkin bes úidi basyp qalǵan. Okrýgtiń 30 turǵyny jaqyn mańdaǵy mektepke evakýatsiialandy.
Sondai-aq, beisenbide Yonhap agenttigi nóser jańbyrǵa bailanysty dambadan bosatylǵan sý qaiyqty aýdaryp, kem degende alty adamnyń qaza tapqanyn habarlaǵan bolatyn.
Sońǵy ýaqytta Korei jarty aralynda bolǵan nóser jańbyr saldarynan Ońtústik Koreianyń 16 turǵyny opat boldy. 1,6 myń azamat qaýipsiz aýmaqqa kóshirildi. 5 myń ǵimarat qirap, 8 myń aýyl sharýashylyǵyna jaramdy jer sý astynda qalǵan.
