Ońtústik Koreiada oqýshyny qaǵyp ketip, keiin elge qashyp ketken qazaqstandyq migrantqa qatysty sot úkimi shyqty, – dep habarlaidy Baq.kz Renhap-qa silteme jasap.
Chanvon Kan Se Bin okrýginiń qylmystyq bóliminiń bas sýdiasy 10 qańtar kúni 21 jastaǵy qazaqstandyq A. azamatty 2 jyl 6 aiǵa bas bostandyǵynan aiyrdy. Ol adam qaǵyp, kólikti litsenziiasyz aidaǵan.
Prokýratýra zańsyz migrant úshin 5 jarym jyl suraǵan. Alaida, sýdia aiyptalýshynyń ókinip, keshirim suraý úshin Qazaqstannan Ońtústik Koreiaǵa óz erkimen oralǵanyn eskergen. Alaida osyǵan qaramastan, ol jazadan qutyla almady.
A. myrza jasaǵan jol-kólik oqiǵasy saldarynan balanyń kognitivti jáne sóileý qabileti nasharlady. Ol emdelip, odan ári ońaltý sharalaryn alýy tiis. Bul zardap shekken otbasynyń ekonomikalyq jaǵdaiyn qiyndatady. Materialdyq shyǵyn qalpyna keltirilmedi, sondyqtan úkim osyndai, - dedi sýdia Kan.
Sýdia, sondai-aq balanyń ruqsat etilmegen jerde júgirip ótkenin eskergen. Sebebi ol jerde ne baǵdarsham, ne jaiaý júrginshige arnalǵan belgi bolmaǵan.
Eske sala keteiik, 7 jasar balany qaǵyp ketýge bailanysty jol-kólik oqiǵasy 2019 jyldyń qyrkúieginde Chanvon qalasynda bolǵan edi. Balany qaǵyp ketken qazaqstandyq oqiǵa ornynan boi tasalap, Qazaqstanǵa qashyp ketken. Alaida keiin ol óz erkimen Ońtústik Koreiaǵa oraldy.
Bul oqiǵa elde qoǵamdyq rezonans týdyryp, jergilikti turǵyndardyń Ońtústik Koreia biligi júrgizip otyrǵan kóshi-qon saiasatyna narazylyǵyn kúsheitti. 2020 jyldan bastap Ońtústik Koreia Respýblikasynyń Ádilet ministrligi men Jumyspen qamtý jáne eńbek ministrligi elden zańsyz migranttar erikti túrde ketýi úshin arnaiy aktsiia jariialady. Aktsiia 2020 jyldyń 30 maýsymyna deiin jalǵasady.
