Foto: Yonhap
29 jeltoqsanda Ońtústik Koreianyń Mýan áýejaiynda Jeju Air ushaǵy apatqa ushyrady, dep habarlaidy Kazinform The Hankyoreh basylymyna silteme jasap.
— Ushaq kabinasyndaǵy dybys jazǵyshtan derekterdi alý aiaqtaldy. Búgin olardy dybystyq faildarǵa túrlendirý jumystary bastaldy. Biz bul protsesti tezirek aiaqtaýdy josparlap otyrmyz, - dedi 1 qańtarda ótken brifingte Ońtústik Koreia kólik ministrliginiń azamattyq aviatsiia departamentiniń direktory Chjý Chon Van.
Jolaýshylar ushaǵy apatynyń egjei-tegjeilerin anyqtaý taldaý jumystary aiaqtalǵannan keiin múmkin bolady.
Sarapshylar sonymen qatar ózdiginen jazatyn ekinshi quraldyń zaqymdanýy onda jazylǵan derekterdiń saqtalýyna áser etpegenin anyqtady.
Eske sala ketsek, buǵan deiin Mýan halyqaralyq áýejaiynda Jeju Air ushaǵy apatqa ushyrap, 177 adam qaza tapty.
Jeju Air ushaǵy jeksenbi kúni tańerteń ushý-qoný jolaǵynan shyǵyp ketip, Mýan halyqaralyq áýejaiyna shuǵyl qonýǵa árekettendi. Ushaq qorshaýǵa soǵylyp, aitarlyqtai shyǵyn keltirip, keiin órt shyǵyp, sóndirildi.
.jpg)