Foto:twitter.com/MySamudera
Ońtústik Koreia prezidenti Iýn Sýk Iol Seýldegi Helloýin merekesinde bolǵan oqiǵaǵa bailanysty halyqtan keshirim surap, barlyq kináli sheneýnikti jaýapqa tartýǵa ýáde berdi, - dep habarlaidy Tengrinews.kz agenttigi Daily Mail basylymyna silteme jasap.
Ol sonymen qatar politsiia men ulttyq qaýipsizdikti basqarý júiesin reformalaitynyn aitqan. Saiasatker qaýipsizdikti tekserý otyrysynda keshirim surady, óitkeni el qaza bolǵandardy joqtaýdy toqtatpaǵan. Qazir bul oqiǵaǵa qatysty quzyrly organdardyń áreketine qatysty tergeý júrip jatyr.
"Men ózimdi uldary men qyzdarynan aiyrylǵan ata-anamen salystyra almaimyn. Biraq adamdardyń ómiri men qaýipsizdigin qorǵaýǵa mindetti prezident retinde júregim aýyrady. Bul qaiǵynyń qandai qiyn ekenin aityp jetkizý múmkin emes. Qurbandardyń otbasylarynan keshirim suraimyn", - dedi ol.
Saiasatker jan-jaqty tergeý júrgizip, zańbuzýshylyqqa jol bergenderdi jaýapqa tartýǵa ýáde berdi.
"Atap aitqanda, adamdardyń qaýipsizdigin saqtaý úshin qaýip-qaterge daiyndalý jáne jazataiym oqiǵalardyń aldyn alý úshin qajet politsiia jumysyn aýqymdy reformalaý qajet", - dedi Iýn.
