فوتو:twitter.com/MySamudera
وڭتٷستٸك كورەيا پرەزيدەنتٸ يۋن سۋك يول سەۋلدەگٸ حەللوۋين مەرەكەسٸندە بولعان وقيعاعا بايلانىستى حالىقتان كەشٸرٸم سۇراپ, بارلىق كٸنەلٸ شەنەۋنٸكتٸ جاۋاپقا تارتۋعا ۋەدە بەردٸ, - دەپ حابارلايدى Tengrinews.kz اگەنتتٸگٸ Daily Mail باسىلىمىنا سٸلتەمە جاساپ.
ول سونىمەن قاتار پوليتسييا مەن ۇلتتىق قاۋٸپسٸزدٸكتٸ باسقارۋ جٷيەسٸن رەفورمالايتىنىن ايتقان. ساياساتكەر قاۋٸپسٸزدٸكتٸ تەكسەرۋ وتىرىسىندا كەشٸرٸم سۇرادى, ٶيتكەنٸ ەل قازا بولعانداردى جوقتاۋدى توقتاتپاعان. قازٸر بۇل وقيعاعا قاتىستى قۇزىرلى ورگانداردىڭ ەرەكەتٸنە قاتىستى تەرگەۋ جٷرٸپ جاتىر.
"مەن ٶزٸمدٸ ۇلدارى مەن قىزدارىنان ايىرىلعان اتا-انامەن سالىستىرا المايمىن. بٸراق ادامداردىڭ ٶمٸرٸ مەن قاۋٸپسٸزدٸگٸن قورعاۋعا مٸندەتتٸ پرەزيدەنت رەتٸندە جٷرەگٸم اۋىرادى. بۇل قايعىنىڭ قانداي قيىن ەكەنٸن ايتىپ جەتكٸزۋ مٷمكٸن ەمەس. قۇربانداردىڭ وتباسىلارىنان كەشٸرٸم سۇرايمىن", - دەدٸ ول.
ساياساتكەر جان-جاقتى تەرگەۋ جٷرگٸزٸپ, زاڭبۇزۋشىلىققا جول بەرگەندەردٸ جاۋاپقا تارتۋعا ۋەدە بەردٸ.
"اتاپ ايتقاندا, ادامداردىڭ قاۋٸپسٸزدٸگٸن ساقتاۋ ٷشٸن قاۋٸپ-قاتەرگە دايىندالۋ جەنە جازاتايىم وقيعالاردىڭ الدىن الۋ ٷشٸن قاجەت پوليتسييا جۇمىسىن اۋقىمدى رەفورمالاۋ قاجەت", - دەدٸ يۋن.
