Seýl soty Ońtústik Koreia eks-prezidenti Pak Kyn Heni 24 jylǵa sottady. Sot ony sybailas jemqorlyqqa qatysy bar, bilikti teris maqsatta paidalandy jáne kommertsiialyq kompaniiaǵa zańsyz bolysty dep aiyptady. Prokýror buǵan deiin 66 jastaǵy Pak Kyn Heni 30 jylǵa sottap, 110 million dollar aiyppul salýdy suraǵan.
Eks-prezident ózine taǵylǵan barlyq aiypty joqqa shyǵardy. Ol sotqa qatysqan joq. Sot otyrysy Ońtústik Koreia telearnasynan tikelei efirden berildi.
2017 jyly 10 naýryzda Ońtústik Koreianyń Konstitýtsiialyq soty Pak Kyn Heni biraýyzdan prezident qyzmetinen bosatqan. Pak Kyn Hege impichment jariialaý sharasyn 2016 jyly jeltoqsanda Ońtústik Koreia parlamenti prezidenttiń jaqyn serigi sybailas jemqorlyqqa qatysty daýǵa shatylǵan soń bastaǵan.
Ońtústik Koreiada prezidentti qyzmetinen ketirýge ákelgen janjal Pak Kyn Heniń qurbysy Chhve Sýn Sil prezidenttiń yqpalyn teris maqsatta paidalandy dep aiyptalǵan soń týyndaǵan.
Biyl aqpanda Sýn Sil 20 jylǵa sottalǵan. Oǵan eldegi eń iri kompaniia - Samsung-ti óziniń kommertsiialyq emes qoryna 70 million dollarǵa jýyq qarjy aýdarýǵa májbúrledi dep aiyptalǵan.
Pak Kyn He ózin "saiasi repressiianyń qurbany boldym" dep sanaidy. Ol ózine buǵan deiin taǵylǵan aiyptar boiynsha Seýlde ótip jatqan sot protsesine aýyryp jatqanyn aityp, birazdan beri qatyspaǵan. Al advokattary sot protsesine qatysýdan bas tartqan.
