سەۋل سوتى وڭتٷستٸك كورەيا ەكس-پرەزيدەنتٸ پاك كىن حەنٸ 24 جىلعا سوتتادى. سوت ونى سىبايلاس جەمقورلىققا قاتىسى بار, بيلٸكتٸ تەرٸس ماقساتتا پايدالاندى جەنە كوممەرتسييالىق كومپانيياعا زاڭسىز بولىستى دەپ ايىپتادى. پروكۋرور بۇعان دەيٸن 66 جاستاعى پاك كىن حەنٸ 30 جىلعا سوتتاپ, 110 ميلليون دوللار ايىپپۇل سالۋدى سۇراعان.
ەكس-پرەزيدەنت ٶزٸنە تاعىلعان بارلىق ايىپتى جوققا شىعاردى. ول سوتقا قاتىسقان جوق. سوت وتىرىسى وڭتٷستٸك كورەيا تەلەارناسىنان تٸكەلەي ەفيردەن بەرٸلدٸ.
2017 جىلى 10 ناۋرىزدا وڭتٷستٸك كورەيانىڭ كونستيتۋتسييالىق سوتى پاك كىن حەنٸ بٸراۋىزدان پرەزيدەنت قىزمەتٸنەن بوساتقان. پاك كىن حەگە يمپيچمەنت جارييالاۋ شاراسىن 2016 جىلى جەلتوقساندا وڭتٷستٸك كورەيا پارلامەنتٸ پرەزيدەنتتٸڭ جاقىن سەرٸگٸ سىبايلاس جەمقورلىققا قاتىستى داۋعا شاتىلعان سوڭ باستاعان.
وڭتٷستٸك كورەيادا پرەزيدەنتتٸ قىزمەتٸنەن كەتٸرۋگە ەكەلگەن جانجال پاك كىن حەنٸڭ قۇربىسى چحۆە سۋن سيل پرەزيدەنتتٸڭ ىقپالىن تەرٸس ماقساتتا پايدالاندى دەپ ايىپتالعان سوڭ تۋىنداعان.
بيىل اقپاندا سۋن سيل 20 جىلعا سوتتالعان. وعان ەلدەگٸ ەڭ ٸرٸ كومپانييا - Samsung-تٸ ٶزٸنٸڭ كوممەرتسييالىق ەمەس قورىنا 70 ميلليون دوللارعا جۋىق قارجى اۋدارۋعا مەجبٷرلەدٸ دەپ ايىپتالعان.
پاك كىن حە ٶزٸن "ساياسي رەپرەسسييانىڭ قۇربانى بولدىم" دەپ سانايدى. ول ٶزٸنە بۇعان دەيٸن تاعىلعان ايىپتار بويىنشا سەۋلدە ٶتٸپ جاتقان سوت پروتسەسٸنە اۋىرىپ جاتقانىن ايتىپ, بٸرازدان بەرٸ قاتىسپاعان. ال ادۆوكاتتارى سوت پروتسەسٸنە قاتىسۋدان باس تارتقان.
