Ońtústik Koreia aldaǵy jyly Abai shyǵarmashylyǵyn zertteýge den qoimaq, dep habarlaidy "Ult aqparat" Habar 24 arnasyna silteme jasap.
Qazaq aqynynyń týyndylaryn osy eldiń Eýraziia túrkologiia zertteýler institýty korei tiline aýdarady. Bul zertteý uiymy úsh jyl buryn Dondok ýniversitetiniń janynan ashylǵan. Osynda túrik jáne Ázerbaijan jazýshylarynyń shyǵarmalary aýdarylypty.
Institýt direktory O Yn Gionniń aitýynsha, Koreia kelesi jyly Abaiǵa arnalǵan ádebi simpoziým ótkizbek.
– Abai shyǵarmalary kárister úshin túsinikti bolady dep oilaimyn, óitkeni Koreia da qiyn otarlaý kezeńin basynan ótkerdi. Elimiz ulttyq rýh sezimimen, halyqtyq qozǵalyspen, rýhani mádenietin saqtaýǵa baǵyttalǵan árekettermen tanys. Bul Abai shyǵarmalarynda jazylǵan. Qazaq aqyny men aǵartýshysynyń shyǵarmalary qazaqtar men káristerdi rýhani biriktirýdiń qundy kópiri bolady dep oilaimyn. Shyǵarmalardy aýdarý ońai sharýa emes, biraq kitap shyǵarý odan da qiyn. Eger qazaqstandyq qorlar bizge qoldaý kórsetse, onda mindetimiz jeńil bolar edi, - deidi Eýraziia túrkitaný zertteýleri institýtynyń direktory O Yn Gion.
