Sheteldik investorlar Ońtústik Qazaqstanda kún elektr stantsiiasyn salyp, elektropanelder shyǵarýdy qolǵa almaq, dep habarlaidy OQO ákiminiń baspasóz qyzmeti.
Ońtústik Qazaqstan oblysynda qytailyq kásipkerler qýattylyǵy 100 mvt bolatyn kún elektr stansasyn salmaq. Bul týraly Ońtústik Qazaqstan oblysynyń ákimi Janseiit Túimebaevpen kezdesýinde «Djan Sý Niý Enerdji Tehnolodji» kompaniiasynyń ókili Ge Djenson málim etti.
Basqosýda taraptar oblystaǵy qýattylyǵy 100 MVt bolatyn kún elektr stansasyn salý máselesin talqylady. Josparǵa sáikes, kún elektr stansasy Otyrar aýdanynyń aýmaǵynda salynbaq. Bir jyldyń 300 kúni sáýleli bolatyn Ońtústik Qazaqstan oblysyndaǵy tabiǵi klimattyq jaǵdaidy eskerip otyrǵan kásipkerler atalǵan jobaǵa 200 mln AQSh dollaryn jumsaýǵa nietti.
«Biz aldaǵy qazan aiynda qurylys jumystaryn bastaýdy josparlap otyrmyz. Stantsiiany iske qosyp bolǵannan soń, elektromobilderdi qurastyrý jumystaryn bastaityn bolamyz. Toqpen júretin mototsiklderdiń qural-jabdyqtaryn ázirge Qytaidan tasymaldap, osynda qurastyrý josparda bar. Eger josparymyz sátti iske asyp jatsa, jeńil kólik pen qoǵamdyq kólikterdi de osynda qurastyrý oiymyzda bar», - dedi Ge Djenson myrza.
Bir qýanarlyǵy, kún elektr stansasy jobasyn júzege asyrýǵa jergilikti jas mamandar tartylmaq. Qytai kásipkerleriniń aitýynsha, kún elektr stansasynyń qurylysyna qatysatyn jas energetikter bolashaqta ony qosýda qinalmaityn bolady.
Investorlardyń bul usynysyna qoldaý bildirgen óńir basshysy jergilikti bilik tarapynan jer telimi bólinip, qosymsha jeńildikter qarastyrylatynyn jetkizdi.
«Jobalaryńyz kóńilge qonymdy. Óitkeni, bizdiń óńirdiń tabiǵaty kún sáýlesinen elektr jaryǵyn óndirýge óte qolaily. Sondyqtan eki tarapqa da tiimdi jobany tezdetip iske asyrý qajet. Qajetti jer telimin bólip berip, qajetti qoldaýlardy kórsetýge ázirmiz», - dedi Janseiit Qanseiituly.
Qytailyq kásipkerler munan bólek, elektropanelder shyǵarý isine de múddeli bolyp otyr. Bul rette olar elimizdiń «Jasyl ekonomikalyq» ustanymyna qoldaý bildirmek.
