Ońtústik Qazaqstan oblysynda nóser jaýynnan aryq atyzdarda sý tasyp, turǵyn úilerge kirip jatyr. Úsh kún boiy tolassyz jaýǵan jańbyrdan jerasty sýlary da kóterilip ketken, dep habarlaidy Ult.kz tilshisi QazAqparat agenttigine silteme jasap.
Sáýir aiy bastala salysymen tolassyz jaýǵan jańbyrdan Maqtaral aýdanynda jerasty sýlary kóterilip, jurtty ábigerge saldy. Saldarynan Jetisai qalasyndaǵy úilerge sý kirip, qazir munda sý sorý jumystary júrgizilip jatyr. Bul jumystarǵa jergilikti ákimdik pen tótenshe jaǵdai qyzmetinen 12 adam men 3 tehnika jumyldyryldy.
Al, Shymkentte jańbyrdan kósheler men aýlalarǵa sý tolyp, turǵyndardyń júrip turýyn qiyndatyp jiberdi. Qaladaǵy Tájibai ata, Qojanov kóshelerindegi turǵyn úilerdiń aýlalaryna sý jinalyp, munda da sý sorý jumystary qolǵa alyndy. Shahardyń tótenshe jaǵdai qyzmetinen 13 adam men 3 tehnikadan quralǵan top aýlalardy sýdan tazartty.
Dál osyndai jaǵdai Sairam aýdany men Otyrar aýdanynda da qalyptasty. Temir aýyly mańynan ótetin Arys ózeni boiynda bógetter jasalyp, tasqynnyń aldyn alý sharalary júrgizildi. Oǵan jergilikti turǵyndar men tótenshe jaǵdai qyzmetiniń 60 adam men 4 tehnika jumyldyrylyp, uzyndyǵy 15 metrdei bolatyn bóget jasaldy.
Aita keteiik, demalys kúnderi Arys ózeniniń ústindegi jańadan salynǵan kópirdiń eki janyn sý shaiyp, qaýipti jaǵdai týǵyzǵan bolatyn. Nátijesinde «Batys Qytai - Batys Eýropa» dálizi boiynda ornalasqan ótkeldiń jaǵdaiy qaýipti bolýyna bailanysty bul jerden kólikterdiń qozǵalysy toqtatylǵan edi. Tótenshelikter onyń sebebin Jambyl oblysynan keletin Boroldai ózeniniń sý deńgeii 40 santimetrge deiin kóterilip, Arys ózenine kóp mólsherde sý jiberilýinen týyndaǵan dep túsindirdi. Sýdyń qatty aǵysyna shydas bermegen kópirdiń jaqtaýlary buzylyp, Arysqa jiberilgen sýdyń deńgeii tómendetildi. Kópir mańynda qaita qalpyna keltirý jumystaryn júrgizý úshin 18 adam men 7 tehnika jumyldyrylǵan bolatyn.
