Ońtústik Qazaqstan oblysynda «Jigit sultany-2017» baiqaýy ótti. Oblystyq Ádet-ǵuryp jáne salt-dástúr ortalyǵy uiymdastyrǵan sharaǵa aýdan-qalalardan 14 úmitker qatysty, dep habarlaidy "Ult aqparat".
Elbasy N. Nazarbaevtyń «Bolashaqqa baǵdar: rýhani jańǵyrý» maqalasy aiasynda uiymdastyrylǵan baiqaýda syry men symbaty, boiy men oiy kelisken, segiz qyrly bir syrly, saidyń tasyndai jigitter baǵyn synady. Úmitkerler «shiratý» kezeńinde úi sharýasyna eptilikterin synap, jan-jaqtylyǵyn baiqatty.
Keiin Shámshi Qaldaiaqov atyndaǵy filarmoniiada saiystyń ekinshi kezeńine qatysty. Onda saiysqa bel býyp, talaptyń tulparyna minip kelgen jigitter 3 bólim boiynsha baqtaryn synady.
Qazylar alqasy quramynda aqyn-sazger Ábdiqalyq Ábdiraimov, «Túrkistan» saraiynyń direktor orynbasary, Kókshetaý qalasynda ótken respýblikalyq «Jigit sultany-1995» baiqaýynyń bas júldegeri Qurmash Jylqybai men qoldanbaly óner sheberi Muhtar Atahan qazylyq etti.
Baiqaý qorytyndysyda jeńimpazdar anyqtalyp, nátijesinde Arys aýdanynan kelgen úmitker 3-shi oryndy ielense, otyrarlyq er azamat 2-shi oryndy jeńip aldy. Al Saryaǵash aýdanynan kelgen qatysýshy 1-shi orynǵa laiyq dep tanylsa, bas júlde Ordabasy aýdanynan kelgen seri jigitke buiyrdy. Baiqaýdyń barlyq qatysýshylary men júldeli oryn iegerlerine marapattaýlar men qarjylai syilyqtar tapsyryldy.
