Ońtústik Qazaqstan oblysynda investitsiia kólemi 31,5 paiyzǵa artty. Bul týraly Ońtústik Qazaqstan oblysy ákiminiń orynbasary Ulasbek Sádibekov Ortalyq kommýnikatsiialar qyzmetinde ótken baspasóz máslihatyna habarlady.
«2017 jyldyń alǵashqy 7 aiynda oblysta mańyzdy jobalardy iske asyrý boiynsha atqarylǵan jumystardyń nátijesinde oblysqa 229,9 mlrd teńge investitsiia tartyldy, bul 2016 jylǵy kórsetkishpen (166,4 mlrd teńge) salystyrǵanda 31,5 paiyzǵa kóbirek. Onyń ishinde syrtqy investitsiialar 42,3 mlrd teńgeni qurap, óńirdi respýblikalyq deńgeide birinshi orynǵa shyǵardy. Respýblika boiynsha oblystyń jalpy kórsetkishi 14,1%-dan 16,9%-ǵa deiin ósti. Ótken jyldyń sáikes kezeńimen salystyrǵanda óńirlik ónim kólemi 2,7%-ǵa artyp, 187,8 mlrd teńgeni qurady», - dedi U.Sádibekov.
Sonymen birge, OQO ákiminiń orynbasary óńirdegi biylǵy egin alqabynyń 20,7 myń gektarǵa artyp, 809,5 myń gektardy quraǵanyn atap ótti. Sondai-aq, qosymsha 297 kooperativ quryldy, olardyń sany ótken jylmen salystyrǵanda eki esege kóbeiip, 593 danany quraǵan.
U.Sádibekovtyń aitýynsha, oblysta biýdjetke túsken salmaqty azaitý maqsatynda memlekettik-jekeshelik seriktestik mehanizmi qoldanylýda. Sońǵy 7 aida jalpy somasy 9,3 mlrd teńge bolatyn 13 joba boiynsha kelisimder bekitildi. Onyń 8-i bilim berý júiesinde bolsa, ekeýi - densaýlyq saqtaý salasynda, úsheýi - sport salasynda. Sondai-aq, «Onkologiialyq ortalyq qurylysy», «Qaýipsiz qala», «Kóshelerdi jaryqtandyrý» syndy iri jobalardy júzege asyrý boiynsha jumystar júrip jatyr.
