Arys qalasynda óńir kásipkerlerin birigip jumys jasaýǵa shaqyratyn «Birlik túbi – bereke» atty aqparattyq túsindirý aktsiiasy ótti, dep habarlaidy "Ult aqparat".
«OŃTÚSTIK» aimaqtyq investitsiialyq ortalyǵy uiymdastyrǵan aktsiianyń maqsaty óńir sharýalaryn barynsha bir kooperativke biriktirip, oblys ekonomikasyn damytý. Osy ýaqytqa deiin kásipkerlerdi birigip jumys jasaýǵa shaqyrý, olardy qoldaý maqsatynda kompaniia aýdandar boiynsha turaqty túrde kóshpeli jinalistar men seminarlar ótkizip kelgen. Degenmen bul joly nasihattaý, túsindirý jumystaryn júrgizýdi atalǵan ortalyq jańasha tásilmen qolǵa aldy.
Aktsiia barysynda «Avto-motofederatsiia Shymkent» qoǵamdyq uiymymen birlese otyryp moto-fleshmob uiymdastyryldy. 20 dan asa kásipkerlermen uiymdastyrylǵan kezdesý, erkin beiresmi túrde ótkizilip, barlyq qatysýshylar ózderin qyzyqtyrǵan suraqtardy kez kelgen ýaqytta qoiý múmkindigine ie boldy.
Shara barysynda «OŃTÚSTIK» AIO Basqarma tóraǵasy Qýanysh Baitóre kooperativterdi qarjylandyrý sharttary jáne olarǵa usynylatyn jeńildikter týraly túsindirdi. Sondai-aq, kooperativterge arnaiy jeńildetilgen, iaǵni kooperativterden kepildeme jáne avanstyq tólem talap etilmeitin qarjylandyrý mehanizmi jasalynǵanyn, kooperativter invest-sýbsidiia alý arqyly biznesti jarty qunyna qurý múmkindigine ie bolatyndyǵyn jetkizdi. «Biz memlekettiń aqshasyn halyqqa úlestirýshimiz. Sondyqtan jobanyń negizgi maqsaty eldiń turmysyn túzep, qosalqy jumys oryndaryn ashý bolyp tabylady», - dedi Q.Baitóre.
Aktsiia aiasynda «OŃTÚSTIK» aimaqtyq investitsiialyq ortalyǵy arqyly qarjylandyrylǵan «Synergy agro-trade» aýylsharýashylyq kooperativiniń Arys qalasynda atqaryp jatqan jumysy úlgi retinde kórsetildi. «Synergy agro-trade» aýylsharýashylyq kooperativi biyl qarjy ortalyǵynan nesie alyp, 6 traktor men 8 aspaly qural-jabdyqtar satyp alǵan. Búginde sol tehnikalar arqyly aýylsharýashylyq ónimderin ósirip baptaýmen ainalysatyn sharýalarǵa qyzmet kórsetýde.
Aita ketý kerek, «OŃTÚSTIK» aimaqtyq investitsiialyq ortalyǵynda kooperativterdi qarjylandyrý lizing formasynda tómendetilgen paiyzben (8 paiyzben) 84 aiǵa deiin beriledi. Tólemniń demalys merzimi 24 aiǵa deiin.
2017 jyly «OŃTÚSTIK» AIO jáne onyń enshiles mekemesi «Yrys» mikroqarjy uiymy birlese otyryp 279 mln. teńgeni quraityn 16 kooperativ jáne onyń múshelerin qarjylandyrǵan. Onyń ishinde 77 mln. tengeni quraityn 3 joba aýyl sharýashylyq tehnikasyn alýǵa, 45 mln. teńgeni quraityn 2 joba qus sharýshylyǵyna, al 156 mln. teńgeni quraityn 11 joba mal sharýashylyǵy salasyna baǵyttalǵan.
Sonymen qatar, kompaniia tek Shymkent qalasynyń ózinde 242 mln. teńgeni quraityn 9 kooperativtiń jobasyn qarjylai qoldap otyr.
Búgingi tańda Ortalyq arqyly 10 kooperativtiń jalpy 290 mln. teńgeni quraityn jobasy maquldanyp, qarjylandyrý satysynda. Olar, sút qabyldaý beketi, sút tasymaldaý avtokóligi, refrijerator, qurama jem óńdeý tsehy, mal soiý beketin jabdyqtaý siiaqty qural jabdyqtardy alyp, jumystaryn júrgizbek.
