Ońtústik Afrikany qalyń qar basyp, kún qatty sýyp ketti . Shyǵys Keip provintsiiasy, Kvazýlý-Natal jáne eldiń basqa da óńirleri aq ulpaǵa orandy. Bul týraly Ońtústik Afrikanyń EWN radiostantsiiasy habarlady, dep jazady ult.kz.
Qolaisyz aýa raiy ásirese Kvazýlý-Natal provintsiiasyna áser etti. Kokstad, Anderberg, Sani asýynyń mańy jáne Nottingem-Roýd eldi mekenderinde qar jaýdy. Kóktaiǵaq pen qar úiindilerine bailanysty birneshe tasjolda kólik qozǵalysyna ýaqytsha shekteý qoiyldy. Atap aitqanda, Kokstad mańyndaǵy R617 tasjoly jabyldy. Júrgizýshilerge asa qajet bolmasa jolǵa shyqpaýǵa, sondai-aq qar kórýge arnaiy barmaýǵa keńes berildi.
Soǵan qaramastan, turǵyndardyń bir bóligi kóptegen óńir úshin sirek kezdesetin tabiǵi qubylysty qýana qabyldady. Áleýmettik jelide adamdar qar basqan kósheler men úilerdiń sýretteri men videolaryn jariialap jatyr.
Videodan skrinshot
Ońtústik Afrikanyń meteorologiialyq qyzmeti buǵan deiin sýyq front pen tómen qysymdy aimaq elge qar, nóser jańbyr, qatty jel jáne aýa temperatýrasynyń kúrt tómendeýin ákeletinin eskertken.
Shyǵys Keip provintsiiasynyń jekelegen aýdandarynda qalyń qar jaýý qaýpine bailanysty joǵary deńgeili daýyldy eskertý jariialanǵan.
Al Qazaqstanda biylǵy jaz kerisinshe aptap ystyqpen ótip jatyr. «Qazgidromet» málimetinshe, tamyz aiynda elimizdiń birqatar óńirinde aýa temperatýrasy 40-44 gradýsqa deiin kóterilip, kei jerlerde tótenshe órt qaýpi saqtalýda. 11 tamyzda Qyzylorda oblysynda 40-44 gradýs, Túrkistan oblysynda 40-42 gradýs, Mańǵystaý oblysynda 38-42 gradýs, Shymkentte 40 gradýsqa deiin qatty ystyq kútiledi.
