Bashqurt memlekettik ýniversiteti Shet tilderi kafedrasynyń aǵa oqytýshysy Rimma Fliýrovna Mingazetdinova «Aǵylshyn tilinen qosymsha bilim berý baǵdarlamalaryn júzege asyrýda qoldanylatyn kommýnikativtik daǵdylardy damytýdyń tiimdi ádisteri (Intermediate, Upper- Intermediate, Advanced deńgeileri boiynsha) dep atalatyn baiandamasynda aǵylshyn tilin úiretý tájiribesimen bólisti. Interaktivti ádis-tásilderdi sanamalap, eń tiimdi degen, jaqsy nátije beretin túrlerine toqtaldy. Oqytýshy tildi úiretýde tyńdalymǵa erekshe mán berý qajettiligine oqytýshylardyń nazaryn aýdardy. Tildi úirenýde aýdiohabarlama, qysqametrajdy beinefilmderdi kórýdiń paidasy, kúndelikti qaitalaý, til úirenýshilerdiń ózderine unaityn aqparattaryn oqytý, sóileýge arnalǵan internet resýrstaryn paidalaný jáne taǵy basqa kóptegen jańashyl ideialarymen bólisti.
Seminarda Túrkiianyń Ankara qalasyndaǵy Gazi ýniversitetiniń «Tömer» tildi úiretý ortalyǵynyń direktory, professor Nezir Temýr «Til úiretýdiń negizgi printsipteri» taqyrybynda baiandama jasady. Professor óz prezentatsiiasy aiasynda máseleni «Neni úiretý, qalai úiretý, qashan úiretý?» degen qarapaiym suraqtardan bastalatynyn aita otyryp, kez kelgen zattyń, adamnyńóz tabiǵaty bolatyny siiaqty tildiń óz tabiǵaty bolady, barlyq suraqqa jaýapty osy tildiń óz tabiǵaty aiasynan izdeý kerek degen pikirin bildirdi. Al tildiń ózi tildegi dybystardan, semantikalyq maǵyna men tildik qurylymnan turatynyn, sondai-aq grammatika men semantikany birge qarastyrýymyz kerek dep atap kórsetti. Professor til úiretýdiń qarym-qatynas, orta, mádeniet, salystyrý, ámbebaptylyq degen parametrlerin taldai kele, halyqaralyq konferentsiialarda eń jii qoiylatyn suraqtardyń biri «Til úiretýde leksika men grammatikanyń qaisysyna kóbirek mán berýimiz kerek?» degen suraqtyń sheshimin bylaisha topshylady: «Men, máselen, Qazaqstanda bolsam, til bilmesem, qazaqsha biletin sózderimdi aitam, sózdik qorym arqyly qarym-qatynasqa túsemin, meni tyńdap tursańyz siz grammatikańyzdy durystap aityńyz dep turmaisyz, sol aitqan sózderimmen túsinýge tyrysasyz. Budan grammatikanyń emes, sózdik qordyń mańyzdyraq ekenin kóremiz».
Tájiribeli til mamany shynaiy oqytý modelin qurý arqyly tildi úiretýdiń tiimdiligine nazar aýdartty. Tildi oqytý barysyndaǵy durys qurylǵan strategiia, oqytýshy men til úirenýshiniń psihologiialyq daiyndyǵy,júieli sabaq, durys tańdalǵan ádisteme oń nátijege jetkizetininbasa aitty.
Qatysýshylar tildi oqytý máselesi boiynsha kókeilerinde júrgen suraqtaryn qoiyp, oǵan tolyq jaýap aldy.
Seminarǵa qatysýshylar spikerlerdiń ádistemelik tájiribelerine tánti bolyp, seminar barysynda óz rizashylyqtaryn bildirip jatty.
SeminarǵaZoom servisi boiynsha 300 oqytýshy qatysty. Feisbýkjelisindegi «ONLINEda bol» paraqshasy arqyly 1 saǵat ishinde 150 maman tyńdap úlgerdi.
Sóitip, halyqaralyq seminar óz máresine jetti.
Jabylý saltanatynda Sh. Shaiahmetov atyndaǵy «Til-Qazyna» ulttyq ǵylymi-praktikalyq ortalyǵynyń Bas direktory Álibek Asqar qorytyndy sóz sóilep, baiandama jasaǵan sheteldik jáne qazaqstandyq áriptesterimizgerizashylyǵyn bildirip, alǵyshattar men qatysýshylarǵa onlain sertifikattar tabystady.
