Búginde barlyq bilim alýshylar qashyqtan onlain oqyp jatqany belgili. Osy oraida internet máseleleri de shyǵa keldi. Kemshilikterdiń aldyn alý úshin Senat depýtaty Muhtar Qul-Muhamed qashyqtan oqyp jatqan bilim alýshylardy tegin internetpen qamtamasyz etýdi talap etti, - dep habarlaidy «Ult aqparat».
Bilimland.kz, Daryn.online jáne Kundelik.kz negizgi bilim berý platformalarynyń jumys isteý jyldamdyǵy tómen dep synǵa alǵan senat depýtaty olardy negizgi bilim berý platformalary ekenin atap ótti.
«Onlain oqý eshkimge de ońai tiip jatqan joq. Muǵalim de, oqýshy da, ata-ana da kóptegen qiyndyqtarǵa tap bolyp jatyr. Biz áli de qashyqtan oqýǵa tolyq daiyn bola almai jatyrmyz. Almaty qalasynda oqýdyń birinshi kúni-aq Bilimland platformasyna 70 myńnan astam qoldanýshy qosylǵan sátte, júie isten shyqty. Tsifrlyq damý, innovatsiialar jáne aeroǵarysh ónerkásibi ministrligi uialy bailanys operatorymen birlesip iske qosqan «Bilim» tarifi de belgili bir suraqtar týyndatyp otyr. Áli de sheshilýi tiis máseleler óte kóp siiaqty», - dedi Muhtar Qul-Muhammed.
Búgingi tańda bilim berýshiler men bilim alýshylarǵa arnalǵan «Bilim» tarifimen qazaqstandyq bilim resýrstaryna ǵana sheksiz kirýge bolady. Al sheteldik bilim berý resýrstaryna kirýge múmkindik beretin ai saiynǵy 1 Gb qosymsha internet-trafik jetkiliksiz. Máselen, videobailanystyń standartty sapasy kezinde jáne oǵan úsh nemese odan da kóp adam qatysatyn bolsa, Zoom qosymshasy saǵatyna 810 Megabaitty talap etedi. Al gigabait 1000 megabaitqa teń.
«Qoldanýshylar osy limitten tys internet-trafikti óz qaltasynan tóleýge májbúr. Oqýshylardyń ata-analary tarif aiasynda trafiktiń kólemin ulǵaitýdy surap otyr. Qashyqtyqtan oqytý jaǵdaiynda oqýshylardy tegin internetpen qamtamasyz etý azamattardyń memlekettik oqý oryndarynda tegin orta bilim alýǵa konstitýtsiialyq kepildikterine bailanysty negizdelgen bolyp tabylady», - dedi Qul-Muhammed.
Senator qazirgi tańda Bilimland.kz, Daryn.online jáne Kundelik.kz negizgi bilim berý platformalary ekenin atap ótti. Ár mektep qandai platformany qoldanatynyn ózi sheshedi.
Esterińizge sala keteiik, Senat depýtaty Muhtar Qul-Muhamed qashyqtan oqyp jatqan bilim alýshylardy tegin internetpen qamtamasyz etýdi talap etti. Bilimland.kz, Daryn.online jáne Kundelik.kz negizgi bilim berý platformalarynyń jumys isteý jyldamdyǵy tómen dep synǵa alǵan senat depýtaty olardy negizgi bilim berý platformalary ekenin atap ótti. Qazirgi tańda onlain oqýǵa bailanysty bilim alýshylar men bilim berýshileorge arnalǵan Bilim tarify jumys istep jatyr.
