Koronavirýstyń taralýyna qarsy kúres sharalaryn kúsheitý maqsatynda ótken oqý jylynyń tórtinshi toqsany qashyqtan oqytý formatynda ótti. Dál sondai saqtyq sharalaryn áli de saqtaý úshin 2020-2021 jańa oqy jyly da qashyqtan, onlain oqýmen bastaldy. Osy oraida Qazaqstanda eki bilim berý platformasy biriktiriletin boldy, - dep habarlaidy «Ult aqparat».
Daryn.online-nyń ókili Erjan Ońalbaev málimdeýinshe, kelesi aidan bastap «Kúndelik» pen Daryn.online platformasy biriktiriledi. Onyń aitýynsha, ekeýine bir qupiiasózben kirýge múmkindik týmaq.
«Qazirgi kezde Daryn.online men «Kúndelikti» biriktirip jatyr. Integratsiia bolady. Qazan aiynda aiaqtalady dep otyrmyz. Bul degenimiz, bir parolmen «Kúndelikke» de, Daryn.online platformasyna da kirýge bolady. Sosyn Daryn.online-da test jasaýǵa bolady. Al testiń nátijesi «Kúndelikke» shyǵyp turady», - dedi Daryn.online-nyń ókili Erjan Ońalbaev.
Onyń aitýynsha, qazirgi kezde bir mektepte 4-5 bilim berý platformasy qoldanylyp jatady. Sodan árbir oqýshy men muǵalimge 4-5 login men parol jattap júrýge týra keledi. Al eki platformany biriktirgennen keiin jumys jeńildei túsedi.
Osy oraida kópshilik tarapynan onlain oqý qashan aiaqtalatyny, dástúrli oqý júiesine kóshýge qatysty suraqtar týyndaityny ras. Osy máselelerge qatysty «Kúndelik» JShS bas direktory Muhtar Iliiasov pikir bildirdi.
«Karantinge qatysty jaǵdai retteledi dep senemin. Sóitip, ekinshi toqsanda ózimiz úirengen bilim berý arnasyna oralatyn shyǵarmyz. Negizi beinebailanys bilim berýge jatpaidy. Bul qosymsha qural ǵana. Al mektepte «tet-a-tet» qarym-qatynas, iaǵni pedagogtyń balalarmen tikelei qarym-qatynasta bolǵany mańyzdy. Naǵyz sapaly bilim onlain emes, ol – oflain bilim», - deidi Iliiasov.
Onyń oiynsha, dástúrli bilim berýge kóshkennen keiin keibir jaǵdailarda qashyqtan oqytý formatyn qoldana beredi.
Jalpy, qashyqtan oqytý álemdik tájiribede bar dúnie. Rasynda, epidemiologiialyq ahýalǵa qarai, is júzinde kóptegen memlketter qashyqtan oqytý rejiime kóshken. Barlyq memleketterdegidei bizdiń elde de tehnika tapshylyǵy tek oqýshylar arasynda ǵana emes, muǵalimder arasynda da kezdesedi. Al mundai máseleler jergilikti ákimdiktermen birlese otyryp, mekteptegi kompiýterlerdi oqýshylar men muǵalimderge ýaqytsha paidalanýǵa berý, qajet bolǵan jaǵdaida, mektepterge qosymsha tehnika (planshetter nemese kompiýterler) satyp alyp, olardy da ýaqytsha paidalanýǵa berý máseleleri qarastyrylyp jatyr.
Sonymen qosa, Bilim jáne ǵylym ministri Ashat Aimaǵambetov shalǵaidaǵy aýyldyq eldi mekenderde ornalasqan shaǵyn jinaqty mektepterde (80-ge jýyq bala oqityn) oqytýdy dástúrli formatta jalǵastyrý múmkin ekenin eskertti.
Qalai bolǵanda da, biz álemdik tájiribede bar qashyqtan oqytý men onlain bilim berýden bas tarta almaimyz. Mektep oqýshylarynyń bilim alýy úshin barlyq jaǵdaidy jasaýǵa tyrysyp, bilim berýdi toqtata almaimyz. Sondyqtan elimizde, onyń ishinde bilim salasynda qabyldanyp jatqan sharalar men sheshimder qashanda oń nátije beredi dep kútemiz.
Esterińizge sala keteiik, Daryn.online men «Kúndelikti» biriktirilip jatyr. Integratsiia bolady. Biriktirý qazan aiynda aiaqtalady. Bul degenimiz, bir parolmen «Kúndelikke» de, Daryn.online platformasyna da kirýge bolady.
