Qasym-Jomart Toqaev meditsina qyzmetkerleriniń forýmyna qatysty, dep habarlaidy "Ult aqparat" Aqordaǵa silteme jasap.
Memleket basshysy jumys sapary aiasynda Aqtóbe meditsinalyq ortalyǵyna bardy. Qazaqstan Prezidentine meditsinalyq klaster qurý tájiribesi jáne Aqtóbe oblysynyń úlgisi boiynsha óńirlerdegi densaýlyq saqtaý salasynda klasterlik ádisti qoldanýdyń perspektivalary jóninde málimet berildi.
Qasym-Jomart Toqaev «Halyqtyń densaýlyǵyn saqtaý: saiasat, ǵylym, bilim, alǵashqy meditsinalyq-sanitarlyq járdem tájiribesi» atty halyqaralyq ǵylymi-tájiribelik konferentsiiadaǵy baiandamasynda, ult densaýlyǵy memleketimizdiń basty bailyǵy ekenin aitty.
– Elbasynyń tapsyrmasymen negizi qalanǵan Aqtóbe meditsina ortalyǵy otandyq densaýlyq saqtaý salasynyń áleýetin arttyrýǵa airyqsha úles qosyp otyr. Búginde turǵyndar Nur-Sultan, Almaty qalalaryna barmai, shetelge shyqpai, osy ortalyqta neirohirýrgiia, balalar kardiologiiasy, transplantologiia salalary boiynsha sapaly em qabyldai alady. Barlyq oblys osyndai deńgeige umtylýy qajet. Buǵan áleýetimiz jetedi, – dedi Qazaqstan Prezidenti.
Memleket basshysy elimizde meditsinalyq-demografiialyq ahýaldyń jaqsaryp kele jatqanyn atap ótip, táýelsizdik jyldarynda Qazaqstan halqynyń sany 2 million adamǵa, azamattardyń ómir súrý uzaqtyǵy 6 jylǵa óskenin aitty.
– Infraqurylym aitarlyqtai jańardy. 219 jańa aýrýhana, 1200-ge jýyq jańa zamanaýi emhana men ambýlatoriialyq mekemeler salyndy. Biz Biryńǵai ulttyq densaýlyq saqtaý júiesin engizdik. Búginde respýblikalyq klinikalar buryn tek shetelde ǵana jasalatyn kúrdeli operatsiialardy jasaidy, – dedi Qasym-Jomart Toqaev.
Qazaqstan Prezidenti densaýlyq saqtaý infraqurylymyn odan ári jańǵyrtý, meditsinalyq qyzmet pen dári-dármekterdiń sapasyn jaqsartý jáne olardyń halyqqa qol jetimdi bolýyn qamtamasyz etý, otandyq meditsina ǵylymyn damytý, sondai-aq, densaýlyq saqtaý júiesin tsifrlandyrý jónindegi sharalarǵa egjei-tegjeili toqtaldy.
– Alǵashqy járdem adamdarǵa barynsha jaqyndatylýy tiis. Sapaly meditsinalyq qyzmet azamattardyń turǵylyqty jerine qaramastan bárine birdei qol jetimdi bolýy kerek. Sonymen qatar, aldaǵy ýaqytta qoǵamdyq densaýlyq saqtaý qyzmetine jáne alǵashqy meditsinalyq-sanitarlyq járdemge bólinetin qarjyny, osy salaǵa jumsalatyn qarajattyń jalpy kóleminiń 60 paiyzyna deiin arttyrý qajet. Nátijesinde 2025 jylǵa deiin aldyn alý sharalaryna ǵana bólinetin qarjy Ekonomikalyq yntymaqtastyq jáne damý uiymy elderiniń deńgeiine jetedi, – dedi Memleket basshysy.
Qasym-Jomart Toqaev 2019-2021 jyldary jeti óńirdegi 10 meditsinalyq nysannyń qurylysyna 120 milliard teńgege jýyq qarjy bólinetinin aitty. Sonymen qatar, aldaǵy úsh-bes jylda otandyq meditsinany, sonyń ishinde aýyldyq jerdegi aýrýhanalardy materialdyq-tehnikalyq jabdyqtarmen jáne kólikpen qamtamasyz etý máselelerin tolyq sheshý kózdelip otyr.
– Meditsinalyq qyzmettiń qol jetimdiligi men sapasyna bailanysty mindetterdi, dárigerlerdiń mártebesi men bedelin kótermei júzege asyrý múmkin emes. Biylǵy 1 maýsymnan bastap biýdjet salasy qyzmetkerleriniń, sonyń ishinde dárigerlerdiń eńbekaqysy jekelegen kategoriialar boiynsha 30 paiyzǵa artady. Maman daiarlaý sapasy boiynsha meditsinalyq joǵary oqý oryndary men kolledjderge talapty kúsheitý qajet. Munda teoriialyq baza ǵana emes, sondai-aq, tájiribelik daǵdyǵa mashyqtaný da mańyzdy. Sondyqtan, óńirlik emhanalardyń bir bóligin meditsinalyq joǵary oqý oryndaryna berý kerek. Nur-Sultan, Almaty jáne Shymkent siiaqty iri qalalar joǵary tehnologiialy meditsinalyq ortalyqtarǵa ainalýy tiis, – dedi Qazaqstan Prezidenti.
Sońynda Memleket basshysy konferentsiiaǵa qatysýshylarǵa tabys jáne jemisti pikirtalas tiledi.
