Óńirlerge suiytylǵan gaz jetkizý josparyna túzetý engizildi, dep habarlaidy "Ult aqparat" Energetika ministrliginiń baspasóz qyzmetine silteme jasap.
Budan buryn Atyraýda kólikke quiatyn gaz tapshylyǵy týyndaǵan edi.
Atyraý munai óńdeý zaýytyndaǵy katalitikalyq kreking qondyrǵysynyń isten shyǵýyna bailanysty suiytylǵan munai gazy óndirilmeidi.
Zaýyttaǵy qondyrǵyny qalpyna keltirý naýryzdyń sońyna deiin jalǵasqaly otyr.
Energetika ministrligi osyǵan bailanysty naýryz aiyna suiytylǵan munai gazyn jetkizýdiń túzetilgen josparyn qaita jasaqtady.
Onda atalǵan zaýytqa bekitilgen óńirler basqa zaýyttardyń resýrstaryna qaita bólindi.
«Atap aitqanda, Almaty, Qaraǵandy, Soltústik Qazaqstan, Jambyl oblystary men Nur-sultan, Almaty qalalaryna suiytylǵan gaz jetkizý «PetroQazaqstanOilProdakts» JShS-ne júkteldi. Al, Qostanai men Mańǵystaý oblystaryna «SNPS-Aqtóbemunaigaz» AQ jetkizedi. Atyraý oblysyn «Teńizshevroil» JShS, Batys Qazaqstan oblysyn «Jaiyqmunai» JShS qamtityn bolady. Qazir qaita túzetilgen josparǵa sáikes gaz jelisi uiymdary men jetkizýshi zaýyttar arasynda sharttar jasaý júrgizilýde. Osylaisha, óńirlerdiń suiytylǵan munai gazyna qajettiligi josparly kólemde qamtamasyz etiledi» dep habarlady ministrliktiń baspasóz qyzmetinen.
