ٶڭٸرلەرگە سۇيىتىلعان گاز جەتكٸزۋ جوسپارىنا تٷزەتۋ ەنگٸزٸلدٸ, دەپ حابارلايدى "ۇلت اقپارات" ەنەرگەتيكا مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
بۇدان بۇرىن اتىراۋدا كٶلٸككە قۇياتىن گاز تاپشىلىعى تۋىنداعان ەدٸ.
اتىراۋ مۇناي ٶڭدەۋ زاۋىتىنداعى كاتاليتيكالىق كرەكينگ قوندىرعىسىنىڭ ٸستەن شىعۋىنا بايلانىستى سۇيىتىلعان مۇناي گازى ٶندٸرٸلمەيدٸ.
زاۋىتتاعى قوندىرعىنى قالپىنا كەلتٸرۋ ناۋرىزدىڭ سوڭىنا دەيٸن جالعاسقالى وتىر.
ەنەرگەتيكا مينيسترلٸگٸ وسىعان بايلانىستى ناۋرىز ايىنا سۇيىتىلعان مۇناي گازىن جەتكٸزۋدٸڭ تٷزەتٸلگەن جوسپارىن قايتا جاساقتادى.
وندا اتالعان زاۋىتقا بەكٸتٸلگەن ٶڭٸرلەر باسقا زاۋىتتاردىڭ رەسۋرستارىنا قايتا بٶلٸندٸ.
«اتاپ ايتقاندا, الماتى, قاراعاندى, سولتٷستٸك قازاقستان, جامبىل وبلىستارى مەن نۇر-سۇلتان, الماتى قالالارىنا سۇيىتىلعان گاز جەتكٸزۋ «پەتروقازاقستانويلپروداكتس» جشس-نە جٷكتەلدٸ. ال, قوستاناي مەن ماڭعىستاۋ وبلىستارىنا «سنپس-اقتٶبەمۇنايگاز» اق جەتكٸزەدٸ. اتىراۋ وبلىسىن «تەڭٸزشەۆرويل» جشس, باتىس قازاقستان وبلىسىن «جايىقمۇناي» جشس قامتيتىن بولادى. قازٸر قايتا تٷزەتٸلگەن جوسپارعا سەيكەس گاز جەلٸسٸ ۇيىمدارى مەن جەتكٸزۋشٸ زاۋىتتار اراسىندا شارتتار جاساۋ جٷرگٸزٸلۋدە. وسىلايشا, ٶڭٸرلەردٸڭ سۇيىتىلعان مۇناي گازىنا قاجەتتٸلٸگٸ جوسپارلى كٶلەمدە قامتاماسىز ەتٸلەدٸ» دەپ حابارلادى مينيسترلٸكتٸڭ باسپاسٶز قىزمەتٸنەن.
