Aýyl sharýashylyǵy ministrligi Qazaqstan temirjoly kompaniiasymen birlesip óńirlerge qant pen qant shikizatyn kedergisiz jetkizý máselesi sheshilgenin málimdedi.
Ministrliktiń habarlaýynsha, jergilikti bilik oryndaryna jetkiziletin ónimdi jedel qabyldaý men taratýdy qamtamasyz etý usynyldy.
"28 mamyrdan bastap «QTJ» UK» AQ oblysta strategiialyq taýardy úzdiksiz jetkizý úshin ónim tielgen vagondardyń ótkizilýin erekshe baqylaýǵa aldy. Qazirgi ýaqytta Qazaqstan aýmaǵy boiynsha temirjol arqyly qant tielgen 152 vagon tasymaldanady. Budan basqa óńdeýge arnalǵan quraq qant shikizaty bar 116 vagon tasymaldanyp jatyr.
Otandyq zaýyttardyń qant óndirisi tariftik jeńildik sheńberinde úshinshi elderden jetkiziletin quraq qant shikizaty negizinde júzege asyrylady.
Oblys ákimdikterine qantty jedel qabyldaý men taratýdy qamtamasyz etý usynyldy" delingen resmi habarlamada.
Ministrlik málimetinshe, otandyq zaýyttarda qant óndirisi toqtamaidy. Ony óńirlerge úzdiksiz jetkizý júzege asyrylyp, ónim qory únemi tolyqtyrylyp otyrady. Úkimet eldi qantpen qamtamasyz etý máselesin turaqty baqylaýda ustap otyr.
