اۋىل شارۋاشىلىعى مينيسترلٸگٸ قازاقستان تەمٸرجولى كومپانيياسىمەن بٸرلەسٸپ ٶڭٸرلەرگە قانت پەن قانت شيكٸزاتىن كەدەرگٸسٸز جەتكٸزۋ مەسەلەسٸ شەشٸلگەنٸن مەلٸمدەدٸ.
مينيسترلٸكتٸڭ حابارلاۋىنشا, جەرگٸلٸكتٸ بيلٸك ورىندارىنا جەتكٸزٸلەتٸن ٶنٸمدٸ جەدەل قابىلداۋ مەن تاراتۋدى قامتاماسىز ەتۋ ۇسىنىلدى.
"28 مامىردان باستاپ «قتج» ۇك» اق وبلىستا ستراتەگييالىق تاۋاردى ٷزدٸكسٸز جەتكٸزۋ ٷشٸن ٶنٸم تيەلگەن ۆاگونداردىڭ ٶتكٸزٸلۋٸن ەرەكشە باقىلاۋعا الدى. قازٸرگٸ ۋاقىتتا قازاقستان اۋماعى بويىنشا تەمٸرجول ارقىلى قانت تيەلگەن 152 ۆاگون تاسىمالدانادى. بۇدان باسقا ٶڭدەۋگە ارنالعان قۇراق قانت شيكٸزاتى بار 116 ۆاگون تاسىمالدانىپ جاتىر.
وتاندىق زاۋىتتاردىڭ قانت ٶندٸرٸسٸ تاريفتٸك جەڭٸلدٸك شەڭبەرٸندە ٷشٸنشٸ ەلدەردەن جەتكٸزٸلەتٸن قۇراق قانت شيكٸزاتى نەگٸزٸندە جٷزەگە اسىرىلادى.
وبلىس ەكٸمدٸكتەرٸنە قانتتى جەدەل قابىلداۋ مەن تاراتۋدى قامتاماسىز ەتۋ ۇسىنىلدى" دەلٸنگەن رەسمي حابارلامادا.
مينيسترلٸك مەلٸمەتٸنشە, وتاندىق زاۋىتتاردا قانت ٶندٸرٸسٸ توقتامايدى. ونى ٶڭٸرلەرگە ٷزدٸكسٸز جەتكٸزۋ جٷزەگە اسىرىلىپ, ٶنٸم قورى ٷنەمٸ تولىقتىرىلىپ وتىرادى. ٷكٸمەت ەلدٸ قانتپەن قامتاماسىز ەتۋ مەسەلەسٸن تۇراقتى باقىلاۋدا ۇستاپ وتىر.
