Qańtar aiynyń basynla óńirlerde oryn laǵan tártipsizdikterge qatysqan kúdiktiler elordada ustaldy. Bul týraly Nur-Sultan qalalyq politsiia departamenti Jergilik politsiia qyzmeti basqarmasynyń bastyǵy Arman Aimaǵambetov aitty, dep habarlaidy QazAqparat.
«Ózderińiz de biletindei, qazirgi ýaqytta Nur-Sultan qalasynyń aýmaǵynda «Quqyqtyq tártip» jedel aldyn alý is-sharasy ótkizilip jatyr. Onyń aiasynda biz zańsyz ainalymnan atys qarýlaryn da tárkiledik», - dedi ol brifing barysynda BAQ ókilderiniń saýalyna orai.
Osy rette ol qańtardyń basyndaǵy oqiǵalar kezinde elordada tártipsizdikterge jol berilmegendigin basa aitty.
«Qoǵamdyq tártipti buzǵany úshin ustalǵandar boldy. Qazirgi ýaqytta sotqa deiingi tergeý amaldary júrgizilip jatyr», - dedi basqarma bastyǵy.
Sonymen qatar elordalyq departament ókili elimizdiń ózge óńirlerde oryn alǵan tártipsizdikterge qatysty degen kúdikpen Nur-Sultan qalasynda qolǵa túsken kúdiktilerdiń de bolǵandyǵyn atap ótti.
«Ózge óńirlerde oryn alǵan oqiǵalarǵa qatysqandar da ustaldy. Qazirgi ýaqytta Jambyl oblysynda jáne Almaty qalasynda oryn alǵan oqiǵalarǵa qatysqan 3 kúdikti qolǵa tústi. Atalǵan tulǵalardan urlanǵan zattar tabyldy. Keibir faktilerge qatysty jedel qyzmetter keshendi jumystar júrgizdi. Urlanǵan telefondardy satylymǵa shyǵarý derekteri de bar. Qazirgi ýaqytta sotqa deiingi tergeý amaldary júrgizilip jatyr», - dedi Arman Aimaǵambetov.
