قاڭتار ايىنىڭ باسىنلا ٶڭٸرلەردە ورىن لاعان تەرتٸپسٸزدٸكتەرگە قاتىسقان كٷدٸكتٸلەر ەلوردادا ۇستالدى. بۇل تۋرالى نۇر-سۇلتان قالالىق پوليتسييا دەپارتامەنتٸ جەرگٸلٸك پوليتسييا قىزمەتٸ باسقارماسىنىڭ باستىعى ارمان ايماعامبەتوۆ ايتتى, دەپ حابارلايدى قازاقپارات.
«ٶزدەرٸڭٸز دە بٸلەتٸندەي, قازٸرگٸ ۋاقىتتا نۇر-سۇلتان قالاسىنىڭ اۋماعىندا «قۇقىقتىق تەرتٸپ» جەدەل الدىن الۋ ٸس-شاراسى ٶتكٸزٸلٸپ جاتىر. ونىڭ اياسىندا بٸز زاڭسىز اينالىمنان اتىس قارۋلارىن دا تەركٸلەدٸك», - دەدٸ ول بريفينگ بارىسىندا باق ٶكٸلدەرٸنٸڭ ساۋالىنا وراي.
وسى رەتتە ول قاڭتاردىڭ باسىنداعى وقيعالار كەزٸندە ەلوردادا تەرتٸپسٸزدٸكتەرگە جول بەرٸلمەگەندٸگٸن باسا ايتتى.
«قوعامدىق تەرتٸپتٸ بۇزعانى ٷشٸن ۇستالعاندار بولدى. قازٸرگٸ ۋاقىتتا سوتقا دەيٸنگٸ تەرگەۋ امالدارى جٷرگٸزٸلٸپ جاتىر», - دەدٸ باسقارما باستىعى.
سونىمەن قاتار ەلوردالىق دەپارتامەنت ٶكٸلٸ ەلٸمٸزدٸڭ ٶزگە ٶڭٸرلەردە ورىن العان تەرتٸپسٸزدٸكتەرگە قاتىستى دەگەن كٷدٸكپەن نۇر-سۇلتان قالاسىندا قولعا تٷسكەن كٷدٸكتٸلەردٸڭ دە بولعاندىعىن اتاپ ٶتتٸ.
«ٶزگە ٶڭٸرلەردە ورىن العان وقيعالارعا قاتىسقاندار دا ۇستالدى. قازٸرگٸ ۋاقىتتا جامبىل وبلىسىندا جەنە الماتى قالاسىندا ورىن العان وقيعالارعا قاتىسقان 3 كٷدٸكتٸ قولعا تٷستٸ. اتالعان تۇلعالاردان ۇرلانعان زاتتار تابىلدى. كەيبٸر فاكتٸلەرگە قاتىستى جەدەل قىزمەتتەر كەشەندٸ جۇمىستار جٷرگٸزدٸ. ۇرلانعان تەلەفونداردى ساتىلىمعا شىعارۋ دەرەكتەرٸ دە بار. قازٸرگٸ ۋاقىتتا سوتقا دەيٸنگٸ تەرگەۋ امالدارى جٷرگٸزٸلٸپ جاتىر», - دەدٸ ارمان ايماعامبەتوۆ.
