Qyzylorda, Almaty jáne Qaraǵandy oblystarynda ótken aimaqtyq konferentsiialar barysynda májiliske Nur Otan-nyń partiialyq tizimine úmitkerler anyqtaldy. Sondai-aq, oblystyq sailaýaldy baǵdarlamalary bekitilip, partiianyń XX sezine qatysý úshin delegattar sailandy, dep habarlaidy "Ult aqparat" partiianyń baspasóz qyzmetine silteme jasap.
Baspasóz qyzmeti habarlaýynsha, pikirsaiys qorytyndysy boiynsha oblystyń ókildik kvotasyna sáikes, Májilistegi partiialyq tizimge úsh óńirden 17 adam engizildi.
Atap aitqanda, Almaty oblysynda pikirsaiys qorytyndysy boiynsha tórt daýys basymdyqpen kópbalaly ana jáne praimerizdiń birinshi kezeńiniń jeńimpazy Áliia Ábsemetova birinshi orynǵa shyqty. Partiia jaqtastary ligasynyń múshesi Áliia Ábsemetovanyń partiiaishilik irikteý bastalar aldynda ǵana «Nur Otan» músheligine ótkenin aita ketken lázim.
Odan keiingi oryndarda 127 daýys jinaǵan avtojol qyzmetkeri Erjan Jasybaev pen 123 daýys jinaǵan memlekettik qyzmetshi Daniiar Álimbaev keledi. Sonymen birge tizimge bilim salasynyń ókilderi Janna Telpekbaeva men Damir Digai, jýrnalist Maqpal Tájmaǵambetova, kásipker Dosan Kárimov jáne mádeniet salasynyń qyzmetkeri Konstantin Nesterov endi.
Qyzylorda oblysynda birneshe daýys sheshýshi ról atqardy. Májilistiń qyzmettegi depýtaty Balaiym Kesebaeva 114 daýys jinasa, odan keiingi «Baiqońyr» ÁKK basshysy Ǵalym Ámireevte – 110 daýys. Úshinshi oryndy 100 daýyspen jeke sektor ókili Aida Ábibýllaeva ielendi. Ol úzdik úshtikke jáne tiisinshe Májiliske kandidattar tizimine de enbei qalǵan kásipker Asqar Mahambetovten bar-joǵy 4 daýysqa basym tústi.
Qaraǵandy oblysynda Parlament tómengi palatasynyń depýtaty Gúlnar Bijanova eń kóp daýys jinady. Ekinshi oryndy 99 daýyspen Ulytaý aýdandyq partiia filialynyń tóraǵasy Berik Ábdiǵaliuly ielendi. Sonymen qatar tizimge JOO oqytýshysy Amanjol Altai, partiianyń Qaraǵandy qalalyq filialy tóraǵasynyń birinshi orynbasary Iýliia Badina, biznes ókilderi Súiindik Asan jáne Vadim Basin kirdi.
Aita keteiik, buǵan deiin Májilistiń partiialyq tizimine elorda, Almaty jáne Shymkent qalalarynan kandidattar sailanǵan bolatyn. Erteń taǵy 11 óńirden úmitkerlerdiń esimderi belgili bolady. Qorytyndy tizim 25 qarashada partiianyń XX sezinde bekitiledi.
«Nur Otan» partiiasy Tóraǵasynyń birinshi orynbasary Baýyrjan Baibek qazirdiń ózinde barlyq deńgeidegi 216 máslihatqa 6 253 adamnan turatyn partiialyq tizimder ázirlengenin atap ótken bolatyn.
Áielderdiń úles sany 22-den 34%-ǵa deiin, jastar – 3,5 ese, 7-den 24%-ǵa deiin artty. Qazirgi qyzmet etip otyrǵan máslihattardyń quramymen salystyrǵanda ortasha jasy 7 jasqa – 51-den 44-ke deiin jasardy.
Partiialyq tizimderdiń 24% qyzmettegi depýtattar, al 76%-i – jańa tulǵa. Sonymen qatar partiia qataryna 42 myńnan astam jańa múshe qosyldy. Olardyń 1 myńnan astamy partiiaishilik sailaýǵa qatysyp, árbir 3-shisi «Nur Otan»-nyń partiialyq tizimine endi.
Elektrondy daýys berý nátijesimen jáne kandidattar tizimimen Primaries.kz saitynan tanysýǵa bolady.
