QR Energetika vitse-ministri dizel baǵasy Áset Maǵaýov óńirlerde onyń tasymal shyǵynyna bailanysty ár túrli bolyp belgilengenin málim etti, dep habarlaidy QazAqparat.
«Munai óńdeý zaýyttarymen kelisim boiynsha dizeldiń tonnasyna 212 myń teńge, litrine 176 teńge baǵa belgiledik. Oǵan óńirlerge jetkizý jáne munai bazalarynda saqtaý shyǵyndaryn qosýǵa bolady. Operatorlar sharýalarǵa jeńiltedilgen baǵamen janarmai jetkizý úshin qarjy tartyp, shyǵyndalyp jatady. Soǵan bailanysty óńirlerde baǵa qubylýy múmkin. Munai óńdeý zaýyttaryna jaqyn óńirlerde baǵa arzandaý bolsa, alystaǵan saiyn baǵa óse túsedi. Biraq qaitkende de ol baǵa janarmai quiý stansalaryndaǵy bólshek saýda baǵasynan arzan. Ortalyq jáne ońtústik óńirlerde janarmai quiý stansalaryna litrine 260 teńge degen baǵa belgilengen. Al soltústik jáne shekaradaǵy óńirlerde 260 teńge bolyp belgilengen. Qazir soltústik aimaqtarda dizeldiń baǵasy litrine 250 teńgeden ainalady», - dedi Áset Maǵaýov.
Onyń aitýyna qaraǵanda, osy belgilengen baǵany ósirgen janarmai stansalary jaýapqa tartylýy múmkin.
«Eger janarmai quiý stansalarynda shekti baǵany saqtamaý faktisi belgili bolsa, Básekelestik qorǵaý jáne damytý agenttiginiń tarapynan tiisti tekserý júrgizilip, uiǵarym toltyrylady», - dedi vitse-ministr.
