Elimizde Meditsinalyq saqtandyrý qory arqyly halyqqa tegin qyzmet kórsetetin 626 mekeme bar. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy QazAqparat.
«Ózderińizge málim, koronavirýs indeti órshigen kezde meditsinalyq mekemelerdiń josparly qabyldaýlary toqtatylǵan bolatyn. Degenmen, ahýaldyń turaqtalýyna bailanysty Qazaqstanda 1 tamyzdan bastap josparly meditsinalyq kómek qaitadan jandandy. Birinshi kezekte respýblikalyq deńgeidegi mamandandyrylǵan klinikalarǵa túrli aýrýmen kelgen naýqastar jatqyzylady», - dedi ol Ortalyq kommýnikatsiialar qyzmetindegi brifing barysynda.
Resmi ókildiń aitýynsha, elimizde Meditsinalyq saqtandyrý qory arqyly halyqqa tegin qyzmet kórsetetin 626 mekeme bar. Ár oblystaǵy kórsetkish ártúrli. Mysaly, Almaty qalasynda 67, Almaty oblysynda 50, Shyǵys Qazaqstanda 54 meditsinalyq uiym josparly qabyldaýǵa kóshti.
