Búgin oblys ákimi Amandyq Batalov «KAZAKH INVEST» UK» AQ basqarma tóraǵasynyń orynbasary Birjan Qaneshevpen kezdesti. Jiynda «KAZAKH INVEST» UK» AQ-nyń qyzmeti tanystyrylyp, óńirlik direktorlar keńesiniń jergilikti atqarýshy organdarmen ózara qarym-qatynas júiesi baiandaldy.
Kezdesý barysynda oblys ákimi Amandyq Batalov oblysta investitsiia tartý baǵytynda atqarylyp jatqan jumystarǵa qysqasha toqtalyp ótti. «Qorǵas» HShYO men «Qorǵas – Shyǵys qaqpasy» AEA bazasynda, óńirdiń aýdan, qalalarynda qurylǵan indýstrialdy aimaqtar men ónerkásip alańdaryna investitsiialyq jobalardy ornalastyrý múmkindikteri jaily aityp berdi.
- Almaty oblysy - investitsiialyq jaǵynan tartymdy aimaq. Bul onyń aýmaqtyq ári tabiǵi-klimattyq turǵydaǵy ereksheligine bailanysty, sonymen qatar kólik dálizderin damytý jáne investitsiia tartýǵa jasalǵan jaǵdailar men is-sharalardyń nátijesi. Investorlarmen júrgizilgen jumystyń arqasynda ótken jyldyń ózinde 25 myń jumys orny ashyldy, - dedi A. Batalov.
Munan soń «KAZAKH INVEST» UK» AQ qyzmetiniń jáne óńirlik direktorlar keńesiniń jergilikti atqarýshy organdarmen ózara qarym-qatynas júiesiniń tanystyrylymyn aktsionerlik qoǵamnyń basqarma tóraǵasynyń orynbasary Birjan Qaneshev baiandady. Onyń aitýynsha, «KAZAKH INVEST» UK» AQ Memleket basshysynyń tapsyrmasy boiynsha Qazaqstan Respýblikasy Úkimetiniń qaýlysymen Qazaqstan Respýblikasyna sheteldik investorlardy tartý jónindegi operator retinde qurylǵan. Kompaniianyń basty mindetteriniń biri – Óńirlik investitsiia kartasyn qalyptastyrý, árbir aimaqtyń spetsifikalyq erekshelikterin esepke ala otyryp, investorlarmen jeke jumys júrgizý ekenin de atap ótti. Osy maqsatta Taldyqorǵan qalasynda jergilikti jerlerdegi investorlarmen jumys isteý úshin kompaniianyń ókildigi ashylmaq.
Jiyndy qorytyndylaǵan oblys ákimi A. Batalov Almaty oblysy «KAZAKH INVEST» UK» AQ ókilderimen birlese otyryp Memleket basshysynyń mańyzdy tapsyrmalarynyń biri investitsiia tartýda aitýly nátijelerge qol jetkizetindikterine senim bildirdi.
Osy kúni resmi delegatsiia Almaty oblysyna jasaǵan sapary barysynda investorlarmen kezdesip, Almaty oblystyq Aimaqtyq damý ortalyǵynyń, «Jetisý» ÁKK» AQ, Taldyqorǵan qalasyndaǵy HQO janyndaǵy investorlarǵa qyzmet kórsetý ortalyǵynyń jumysymen tanysty, sol siiaqty «Taldyqorǵan» indýstrialdy aimaǵynda boldy.
Jalpy, qazirgi kezde aimaqta jalpy investitsiia kólemi 530,9 mlrd. teńge bolatyn, 10 myń jumys ornyn qurýǵa múmkindik beretin 63 investitsiialyq joba júzege asyrylýda. Bulardyń qatarynda «Mareven Fýd Tian-Shan» JShS, «LÝKOIL Lýbrikants Ortalyq Aziia» JShS, «Nemish Pharma» JShS, «Baýman» JShS, «Farm Frites» JShS siiaqty iri transulttyq kompaniialardyń qatysýymen júzege asyrylatyn 9 joba bar.
