Jyl basynan beri fitosanitariialyq baqylaý jáne qadaǵalaý júrgizý barysynda karantinge jatqyzylǵan ónimdi el aýmaǵyna ákelý kezinde 600-den astam zań buzýshylyq anyqtaldy, dep habarlaidy "Ult aqparat".
«Onyń ishinde: fitosanitarlyq sertifikattyń bolmaýy - 388, karantindik organizmderdiń anyqtalýy – 13, tańbalaýdyń bolmaýy - 17, fitosanitariialyq sertifikattyń sáikes kelmeýi – 9, karantinge jatqyzylǵan ónimniń kelip túsken jeri boiynsha ekinshi tekserýge usynylmaýy - 60, basqa jol arqyly alyp ótý - 4, fitosanitariialyq talaptardyń buzylýy boiynsha - 45 jaǵdai, sondai-aq qol júgine tyiym salý boiynsha 79 zań buzý faktileri anyqtaldy», - delingen AShM baspasóz qyzmetiniń málimetinde.
Kóbine zań talaptaryn buzǵandar Reseiden (439 zań buzýshylyq), Ózbekstannan (110), Irannan (33) júk kirgizgender tarapynan tirkelgen.
Anyqtalǵan jaǵdailarǵa bailanysty AShM memlekettik inspektorlary tarapynan zań aiasynda tiisti sharalar qabyldandy. 332 márte jalpy kólemi 10,2 myń tonna karantinge jatqyzylǵan ónim keri qaitaryldy, zalaldanǵan ónimniń bir partiiasy tolyq joiyldy. Jalpy 22,1 mln teńge somasynda aiyppul salynyp, 384 ákimshilik jaza qoldanyldy.
Qazaqstan aýmaǵyna karantinge jatqyzylǵan ónimdi ákelý kezinde anyqtalǵan jaǵdailar boiynsha eksporttaýshy elderge 105 notifikatsiia jiberildi.
