Ónerkásiptik saiasat jónindegi vedomstvoaralyq komissiia (VAK) qurylmaq. Bul týraly Májiliste «Ónerkásiptik saiasat týraly» zań jobasyn tanystyrý kezinde QR Indýstriia jáne infraqurylymdyq damý vitse-ministri Amaniiaz Erjanov málim etti, dep habarlaidy QazAqparat.
Onyń aitýynsha, zań jobasynda «Ónerkásipti damytýdyń bazalyq sharttary» atty ekinshi bólim ónerkásiptik saiasatty iske asyrý úshin institýtsionaldyq negizdi jáne memlekettik yntalandyrý sharalaryn retteidi. Institýtsionaldyq jaǵdailar birinshi kezekte ónerkásiptik saiasatty qalyptastyrý men iske asyrýdy vedomstvoaralyq tiimdi úilestirýdi qamtamasyz etýge negizdeledi.
«Búginde ónerkásipke bailanysty fýnktsiialar túrli vedomstvolar boiynsha bólingen. Ónerkásiptik saiasatty tiisti úilestirýdi qamtamasyz etý úshin negizgi zań jobasynda Ónerkásiptik saiasat jónindegi vedomstvoaralyq komissiia (VAK) qurý kózdeledi. Ony Premer-Ministrdiń orynbasary basqarady. Al onyń músheleri memlekettik organdar basshylarynyń orynbasarlary, ónerkásiptik kásiporyndardyń ókilderi, qoǵam qairatkerleri, depýtattar jáne basqa da múddeli tulǵalar bolady», - dedi vitse-ministr.
VAK-qa kelesi quzyret beriledi:
- Úkimetke yntalandyrýdyń jańa sharalaryn engizý, qazirgilerin qaita qaraý jáne kúshin joiý týraly usynymdar berý;
- Ónerkásiptik saiasat máseleleri boiynsha Úkimettiń, onyń ishinde kelissózder júrgizýdiń halyqaralyq uiymdardaǵy ustanymyn daiyndaý;
- Ónerkásiptik saiasat máseleleri boiynsha memlekettik organdar arasyndaǵy kelispeýshilikter boiynsha sheshimder qabyldaý;
- Ónerkásiptik saiasatty iske asyrý týraly esep tyńdaý jáne basqalar.
