Túrkistan oblysy, Arys qalasynda óndirilgen jalpy ishki aimaqtyq ónim kólemi 25 mlrd. 367 mln. teńgeni qurap otyr. 2017 jyldyń tiisti kezeńimen salystyrǵanda bul kórsetkish 114 paiyzǵa artqan, dep habarlaidy "Ult aqparat" qala ákimdiginiń baspasóz qyzmetine silteme jasap.
Ónerkásip kásiporyndarynda 4 mlrd. 219 mln. teńgeniń ónimi óndirilip, ónerkásip óniminiń naqty kólem indeksi 100,7 paiyzdy qurady. Bul 2017 jylmen salystyrǵanda 183 mln. teńgege artyq.
2018 jyly jalpy quny 1 mlrd. 610 mln. teńgelik 7 joba iske asyrylyp, olarda 152 jumys oryndarynyń ashylýy josparlanǵan.
2018 jyldyń 10 aiynda Óńirler kásipkerligin qoldaý kartasy aiasynda quny 250 mln. teńgelik 1 joba iske qosylyp, jańadan 50 jumys orny ashyldy.
Óńirler kásipkerligin qoldaý kartasy aiasynda qalada «Arys mineraldy sý» JShS quny 250 mln. teńgelik 50 jumys ornyn quraityn, jylyna 18 mln. litr mineraldy sý jáne basqa da alkogolsiz sýsyndar shyǵaratyn tsehy iske qosyldy.
Al óńirler kásipkerligin qoldaý kartasynan tys jobalar aiasynda quny 1 mlrd. 360 mln. teńgelik 6 jobanyń esebinen jańadan 102 jumys oryndarynyń ashylýy josparlansa, onyń ishinde: quny 245,0 mln. teńgelik 4 jobasy iske qosylyp, olarda 85 jumys oryndary ashyldy.
Aldaǵy ýaqytta Arys qalasynda keramzit óndiretin kirpish zaýytyn salý josparlanýda.
«Sym-Tas» jaýapkershiligi shekteýli seriktestigi qurylys materialdaryn, atap aitqanda keramzit jáne odan daiyndalatyn kirpish ónimderin óndirýdi josparlap otyr. Búgingi tańda Montaitas aýyldyq okrýgi aýmaǵynan keń taralǵan paidaly qazba, betonit ken ornynyń qujattary ázirlenýde.
Arys qalasynyń ońtústik móltek aýdanynan 2019-2020 jyldary sheteldik jáne jergilikti kompaniialar birlesip, jylyna 12,0 myń dana tolyq tsikldy vagondar shyǵaratyn, jalpy quny 82,0 mlrd. teńgeni quraityn zaýyt salý josparlanýda.
Atalǵan joba aiasynda 1500-ge jýyq adam jumyspen qamtylady. Búgingi tańda atalǵan jobany iske asyrýǵa jergilikti «TsTÝ-iýg» jaýapkershiligi shekteýli seriktestigine 5 ga jer telimi berildi. Aldaǵy ýaqytta 30 ga jer telimi qosymsha beriletin bolady. Qurylys jumystaryn kelesi jyly júrgizýdi josparlaýda.
Jalpy 3613 birlik shaǵyn jáne orta kásipkerlik sýbektileri tirkelgen.
Onyń ishinde jumys istep turǵany 3137 sýbektini qurap ótken jyldyń tiisti kezeńimen salystyrǵanda 106,3 paiyzǵa nemese 185 birlikke artty Shaǵyn jáne orta kásipkerlik sýbektilerimen óndirilgen óniminiń jáne usynylǵan qyzmetteriniń kólemi 20 mlrd. 457 mln. teńgege jetip, 2017 jyldyń 10 aiymen salystyrǵanda 116 paiyzǵa artty nemese 2 mlrd. 805 mln. teńgege artyq ónim óndirilgen.
Qazaqstan Prezidenti Nursultan Nazarbaevtyń «Prezidenttiń bes áleýmettik bastamasy» atty halyqqa úndeýiniń 4-shi bastamasy «Shaǵyn nesie berýdi kóbeitý» boiynsha shaǵyn nesie uiymdary arqyly 2748 adamǵa barlyǵy 1 mlrd. 529 mln. teńge nesie berilse, onyń ishinde memlekettik baǵdarlamalar aiasynda qarjy uiymdary arqyly 76 adamǵa 426 mln. teńgege nesie berilgen.
