Jelide 24-25 jeltoqsanynda Respýblika saraiynda «Óner qyrandary – Hareket qoryna 5 jyl» is-sharasyn ótkizý týraly jalǵan aqparat taratýda. Bul týraly «Almaty áýenderi» habarlady, dep jazady QazAqparat.
«Uiymdastyrýshymen atalǵan is-sharany ótkizýge shart jasalmaǵan. Sonymen qatar atalǵan kúnderi Respýblika saraiynda «Jańa jyldyq shoý» ótkizý josparlanǵan. Osyǵan qaramastan, «Hareket» qaiyrymdylyq qory» QQ jáne «Óner qyrandary» teatrynyń ókilderi is-sharany ótkizý týraly jalǵan aqparat taratýdy jalǵastyrýda, sondai-aq biletterdi Kassir.kz arqyly satqan. Quqyq organdarynyń tekserýimen atalǵan sharanyń ótý kúni jalǵan ekeni anyqtaldy», - delingen habarlamada.
Sondyqtan 24- 25 jeltoqsanda ótetin «Óner qyrandary – Hareket qoryna 5 jyl» kontsertine satylǵan barlyq bilettiń kúshi joiyldy. Bilet aqshasy kassir.kz saitynda belgilengen ereje boiynsha qaitarylmaq.
