Qazaqstan Respýblikasyna eńbek sińirgen óner qairatkeri Keńes Dúisekeev ómirden ótti. Bul týraly QR Aqparat jáne qoǵamdyq damý ministri Aida Balaeva Facebook-tegi paraqshasynda jazdy, dep habarlaidy "Ult aqparat".
«Belgili óner sańlaǵy, áigili kompozitor Keńes Dúisekeevtiń qaitys bolýyna bailanysty marqumnyń otbasy men týǵan-týystarynyń qaiǵysyna ortaqtasyp kóńil aitamyz.
Qazaq mýzyka óneriniń ósip-órkendeýine ólsheýsiz eńbek sińirgen ataqty kompozitordyń shyǵarmalary, ánderi men áýenderi týǵan halqynyń jadynda, jurtynyń júreginde máńgi saqtalatyny aqiqat. Kompozitor Keńes Dúisekeev «Gúlder» ansambliniń bas dirijeri jáne mýzyka jetekshisi, «Qazaqkontsert» birlestiginiń mýzyka jetekshisi, Qazaq teledidary mýzyka redaktsiiasynyń bas redaktory siiaqty jaýapty basshylyq qyzmetterdi atqara júrip, artynda mol shyǵarmashylyq mura qaldyrdy.
Marqumnyń jatqan jeri jaily, topyraǵy torqa bolsyn. Peiishte nury shalqysyn», - dep jazdy A.Balaeva.
