2020 jyldyń I-jartyjyldyǵynda óńdeý ónerkásibiniń ósimi 4,8 paiyzdy qurady. Bul týraly QR Indýstriia jáne infraqurylymdyq damý vitse-ministri Avtomobil Amaniiaz Erjanov aitty, dep habarlaidy QazAqparat.
«Osy jyldyń basynan bastap úshinshi indýstriialandyrý baǵdarlamasyn iske asyrylýda. Memleket basshysynyń tapsyrmasy boiynsha atalǵan baǵdarlamanyń negizgi maqsaty ishki jáne syrtqy naryqtarda básekege qabiletti óńdeýshi ónerkásip bolyp belgilendi. Basymdyq orta jáne joǵary tehnologiialyq kúrdeli ónim shyǵarýǵa qaýqarly, sondai-aq eksportqa baǵyttalǵan kásiporyndarǵa jasaldy. Osy jyldyń birinshi jartyjyldyǵynyń qorytyndysy boiynsha óńdeý ónerkásibiniń ósimi 4,8 paiyzdy qurady», - dedi vitse-ministr.
Onyń atap ótýinshe, óńdeý ónerkásibiniń negizgi kapitalyna salynǵan investitsiialar kólemi ótken jyldyń sáikes kezeńimen salystyrǵanda 6,1 paiyzǵa ulǵaiyp, 373 mlrd teńgege jetti.
«Álemdi jailaǵan indetke bailanysty halyqaralyq saýdadaǵy shekteýlerdiń saaldarynan óńdeýshi ónerkásip óniminiń eksporty osy jyldyń qańtar-mamyrynda 18,6 paiyzǵa azaiyp, 5,2 mlrd AQSh dollaryn qurady.
»Sonymen qatar 1-toqsannyń qorytyndysy boiynsha sektorda jumyspen qamtylǵandar sany 601,4 myń adamdy qurap, ótken jyldyń tiisti kezeńimen salystyrǵanda 1,4 paiyzǵa artty. 2020 jylǵy 1 shildedegi jaǵdai boiynsha óńdeýshi ónerkásip salasynda 16,4 myń kásiporyn jumys isteidi. Indýstriialandyrý baǵdarlamasy aiasynda jyl basynan beri jalpy somasy 87,4 mlrd teńgege memlekettik qoldaý sharalary usynyldy«, - dedi ol.
