Memleket basshysy Qasym-Jomart Toqaev halyqqa Joldaýynda qaita óńdeý isiniń jańa salalaryn damytýdy tapsyrdy, dep habarlaidy "Ult aqparat".
«Qazaqstannyń aldynda turǵan asa mańyzdy mindet – ónerkásiptik áleýetimizdi tolyq paidalaný. Osy saladaǵy tabystarymyzǵa qaramastan ishki naryqtyń zor múmkindikterin áli de tolyqqandy júzege asyra almai kelemiz. Óńdelgen taýarlardyń 2/3 jýyǵy shetelden ákelinedi. Ulttyq ekonomikanyń strategiialyq qýatyn arttyrý úshin tez arada qaita óńdeý isiniń jańa salalaryn damytý qajet. Bul qara jáne tústi metallýrgiia, munai himiiasy, kólik qurastyrý jáne mashina jasaý, qurylys materialdary men azyq-túlik óndirý jáne basqa da salalardy qamtidy», - dedi Prezident.
Sapalyq turǵydan múlde jańa ulttyq indýstriiany damytý úshin jańǵyrtylǵan zańnamalyq negiz qajet. Ónerkásipti retteý jáne oǵan qoldaý kórsetý máseleleri túrli zańnamalyq aktilerde kórinis tapqan. Biraq ortaq maqsat kórsetilmegen.
«Júzege asyrylatyn saiasat pen sharalar arasynda ózara bailanys joq. Sondai-aq, jekelegen sektorlardy nemese salalardy retteitin kóptegen zań bar. Mysaly Elektr energetikasy týraly zań, Kólik týraly zań, Óńdeý ónerkásibin damytýdyń qaǵidattaryn, maqsattary men mindetterin belgileitin Ónerkásip saiasaty týraly birizdi zań jyl sońyna deiin ázirlenýi tiis. Ónerkáspke qoldaý kórsetýdiń naqty sharalaryn da jetildirý kerek. Bizde júieli ári birtutas ustanym joq. Sonyń saldarynan sansyz kóp jobaǵa qarajatty ysyrap etip otyrmyz», - dedi Q. Toqaev.
