مەملەكەت باسشىسى قاسىم-جومارت توقاەۆ حالىققا جولداۋىندا قايتا ٶڭدەۋ ٸسٸنٸڭ جاڭا سالالارىن دامىتۋدى تاپسىردى, دەپ حابارلايدى "ۇلت اقپارات".
«قازاقستاننىڭ الدىندا تۇرعان اسا ماڭىزدى مٸندەت – ٶنەركەسٸپتٸك ەلەۋەتٸمٸزدٸ تولىق پايدالانۋ. وسى سالاداعى تابىستارىمىزعا قاراماستان ٸشكٸ نارىقتىڭ زور مٷمكٸندٸكتەرٸن ەلٸ دە تولىققاندى جٷزەگە اسىرا الماي كەلەمٸز. ٶڭدەلگەن تاۋارلاردىڭ 2/3 جۋىعى شەتەلدەن ەكەلٸنەدٸ. ۇلتتىق ەكونوميكانىڭ ستراتەگييالىق قۋاتىن ارتتىرۋ ٷشٸن تەز ارادا قايتا ٶڭدەۋ ٸسٸنٸڭ جاڭا سالالارىن دامىتۋ قاجەت. بۇل قارا جەنە تٷستٸ مەتاللۋرگييا, مۇناي حيميياسى, كٶلٸك قۇراستىرۋ جەنە ماشينا جاساۋ, قۇرىلىس ماتەريالدارى مەن ازىق-تٷلٸك ٶندٸرۋ جەنە باسقا دا سالالاردى قامتيدى», - دەدٸ پرەزيدەنت.
ساپالىق تۇرعىدان مٷلدە جاڭا ۇلتتىق يندۋسترييانى دامىتۋ ٷشٸن جاڭعىرتىلعان زاڭنامالىق نەگٸز قاجەت. ٶنەركەسٸپتٸ رەتتەۋ جەنە وعان قولداۋ كٶرسەتۋ مەسەلەلەرٸ تٷرلٸ زاڭنامالىق اكتٸلەردە كٶرٸنٸس تاپقان. بٸراق ورتاق ماقسات كٶرسەتٸلمەگەن.
«جٷزەگە اسىرىلاتىن ساياسات پەن شارالار اراسىندا ٶزارا بايلانىس جوق. سونداي-اق, جەكەلەگەن سەكتورلاردى نەمەسە سالالاردى رەتتەيتٸن كٶپتەگەن زاڭ بار. مىسالى ەلەكتر ەنەرگەتيكاسى تۋرالى زاڭ, كٶلٸك تۋرالى زاڭ, ٶڭدەۋ ٶنەركەسٸبٸن دامىتۋدىڭ قاعيداتتارىن, ماقساتتارى مەن مٸندەتتەرٸن بەلگٸلەيتٸن ٶنەركەسٸپ ساياساتى تۋرالى بٸرٸزدٸ زاڭ جىل سوڭىنا دەيٸن ەزٸرلەنۋٸ تيٸس. ٶنەركەسپكە قولداۋ كٶرسەتۋدٸڭ ناقتى شارالارىن دا جەتٸلدٸرۋ كەرەك. بٸزدە جٷيەلٸ ەرٸ بٸرتۇتاس ۇستانىم جوق. سونىڭ سالدارىنان سانسىز كٶپ جوباعا قاراجاتتى ىسىراپ ەتٸپ وتىرمىز», - دەدٸ ق. توقاەۆ.
