Aqtóbe oblysynyń ákimi Ondasyn Orazalin mektep pen balabaqshalarda aldyn-alý jumystaryn júrgizýdi tapsyrdy, dep habarlaidy "Ult aqparat" oblys ákimdiginiń baspasóz qyzmetine silteme jasap.
Áleýmettik jelide balabaqshanyń tárbieshisi balalarǵa qarsy kúsh qoldanyp jatqany týraly beine taratylýda.
Bul oqiǵa 2018 jyldyń qyrkúiek aiynda Badamsha aýylyndaǵy «Aigólek» balabaqshasynda bolǵanyn habarlaimyz. Oqiǵadan keiin tárbieshi jumystan shyǵaryldy, balabaqsha meńgerýshisi tártiptik jazaǵa tartyldy.
Sonymen birge, Aqtóbe oblysynyń ákimi Ońdasyn Orazalin bul máseleni erekshe baqylaýynda ustaýdy politsiia departamentine tapsyrdy. Al bilim basqarmasyna jáne aýdan ákimdikterine mundai jaǵdaidyń qaitalanýyna jol bermeý úshin oblystyń barlyq mektep jáne mektepke deiingi mekemelerinde barlyq qajetti sharalardy qabyldaýǵa, tiisti aldyn alý jumystaryn júrgizýdi tapsyrdy.
Aqtóbe oblysynyń politsiia departamentiniń habarlaýynsha, bolǵan oqiǵanyń barlyq mán-jailaryn naqtylaý úshin, QR Qylmystyq kodeksiniń «Kámeletke tolmaǵandardy tárbieleý týraly mindettemesin oryndamaý» týraly 140-babynyń 2-bóligi boiynsha aldyn ala tergeý jumystary bastaldy.
