Elbasy Nursultan Nazarbaev Reseidiń burynǵy prezidenti Boris Eltsinnen Orynbor oblysyn ne úshin suraǵanyn aitty, dep habarlaidy Sputnik Qazaqstan.
"Shtrihi k portretý" derekti filminiń kezekti seriiasynda Nazarbaev Eltsinniń Teńiz ken ornyn suraǵanyn eske aldy. Sol kezde ol Orynbor oblysyn berýdi talap etken.
"Ol qaljyń bolǵan. Árine, arǵy jaǵynda reseilik munaishylar, sonyń ishinde marqum Chernomyrdinniń nieti turdy. Sebebi ózi sol ken oryndardyń ashylýyna tikelei qatysqan. Ondai iri ken ornyn bergisi kelmedi. Sodan bizdi qinalyp turǵannan keiin bere salady dep oilaǵan. Sóitip, biz oiynǵa qaljyńmen jaýap berdik. Odan keiin bul másele eshqashan kóterilgen joq", - deidi Nazarbaev.
Osy oraida Elbasy reseilik depýtattardyń daýly málimdemelerine qatysty óz oiyn da aitty.
"Reseidiń syrtqy ister ministri Lavrov osy máseleniń núktesin qoidy. Qazaqstanǵa qatysty eshqandai territoriialyq talaptar joq dep aitqan bolatyn. Al basqalar aita beredi. Saiasatkerler de sóileidi. Bunyń bári shyǵys Ýkraina, Krym aiasynda kóterilip otyr. Bireýden aldyq, bireýge berdik. Syiǵa tarttyq degen siiaqty. Sodan shyǵyp otyr. Biz Altyn Ordanyń murageri bolsaq, Máskeý kniazdigi olarǵa salyq tólegen. Endi, 800 jyldyq tarihty eske alýymyz kerek pe? Sondyqtan ondai sózderge mán bermeý kerek", - dep atap kórsetti Nazarbaev.
Qazaqstannyń Tuńǵysh Prezidenti syrtqy kúshterdiń bar ekenin de joqqa shyǵarmady.
