Sýret: Inform.kz
Tsifrlyq sheshim kóliktik tólemdi ońailatyp, Almaty qalasynyń qoǵamdyq kóligin yńǵaily ári qaýipsiz etedi.
ONAY! Almaty qalasy oqýshylaryna arnalǵan jeńildikpen beriletin virtýaldy kartalardyń pilottyq jobasyn iske qosty, sondai-aq virtýaldy kartalar úshin jańa jol júrý abonementterin usyndy. Bul tsifrlyq sheshimder qala turǵyndary úshin qoǵamdyq kólikti paidalanýdy jeńildetýge, qaýipsiz jáne qoljetimdi etýge baǵyttalǵan.
Plastikalyq kartanyń ornyna - tsifrlyq format.
Endi balaǵa plastikalyq kartany ózimen birge alyp júrýdiń qajeti joq — jol aqysyn tikelei smartfon arqyly tóleýge bolady. Almaty qalasynyń oqýshylaryna arnalǵan jeńildikpen beriletin virtýaldy kartany ata-analar óz telefondarynda ONAY! mobildi qosymshasy arqyly onlain rásimdei alady. Protsess tolyq avtomattandyrylǵan: ata-ana óz jáne balasynyń derekterin rastaidy, sodan keiin júie paidalanýshynyń kelisimi negizinde qajetti aqparatty memlekettik derekter qorynan alady. Telefon joǵalǵan jaǵdaida, akkaýntty qalpyna keltirýdi ONAY! qosymshasynda óz betinshe jasaýǵa bolady - qyzmet kórsetý ortalyqtaryna barýdyń qajeti joq.
Ekologiialyq áser jáne plastikti azaitý.
Jeńildikpen beriletin virtýaldy kartalardyń iske qosylýy plastikalyq kartalardy paidalanýdy azaityp, qorshaǵan ortaǵa túsetin salmaqty tómendetýge múmkindik beredi. Tsifrlyq formatqa kóshý Almaty qalasynyń ekologiialyq turaqtylyq pen «jasyl» tsifrlandyrý maqsattaryn qoldaidy, osylaisha qoǵamdyq kólik tek yńǵaily ǵana emes, ekologiialyq «taza» da bola túsedi.
Qaýipsizdik jáne memlekettik sertifikattaý
Atalǵan jobalardy júzege asyrý barysynda ONAY! Qazaqstan Respýblikasynyń Memlekettik tehnikalyq qyzmeti arqyly aqparattyq qaýipsizdik salasynda synaqtan sátti ótti. Nátijeler júieniń tiisti deńgeide qorǵalǵanyn jáne belgilengen talaptarǵa sai ekenin rastady. Bul integratsiianyń memlekettik aqparattyq júielermen qaýipsiz bailanysyn jáne paidalanýshylar kelisimi negizinde derbes derekterdi alý múmkindigin qamtamasyz etti.
Barlyq virtýaldy kartalarǵa arnalǵan jańa jol júrý abonementteri.
Oqýshylarǵa arnalǵan jeńildikpen beriletin virtýaldy kartalarmen qatar ONAY! Almaty men Qaraǵandy qalalarynyń barlyq virtýaldy kartalary úshin jańa jol júrý abonementterin iske qosty. Abonementti ONAY! mobildi qosymshasy arqyly onlain rásimdep, tólem jasaýǵa bolady. Bul sheshim jolaýshylarǵa kólik shyǵyndaryn aldyn ala josparlaýǵa jáne tańdaǵan merzim ishinde qoǵamdyq kólikti shekteýsiz paidalanýǵa múmkindik beredi.
Áleýmettik mańyzy jáne damý josparlary.
Joba qoǵamdyq kóliktiń qoljetimdiligin arttyrýǵa, halyqqa qyzmet kórsetý ortalyqtaryndaǵy júktemeni azaitýǵa jáne plastikalyq kartalardy paidalanýdy qysqartýǵa yqpal etedi. Bul óz kezeginde qalanyń turaqty damý men tsifrlandyrý maqsattaryn qoldaidy. Pilottyq kezeń aiaqtalǵannan keiin ONAY! jobany basqa da jeńildik sanattaryna — stýdentter men zeinetkerlerge keńeitýdi jáne basqa qalalarda engizýdi josparlap otyr. Kompaniia sonymen qatar tsifrlyq servisterdi damytyp, paidalanýshylar tájiribesin jetildirýdi jalǵastyrady.
