سۋرەت: Inform.kz
تسيفرلىق شەشٸم كٶلٸكتٸك تٶلەمدٸ وڭايلاتىپ, الماتى قالاسىنىڭ قوعامدىق كٶلٸگٸن ىڭعايلى ەرٸ قاۋٸپسٸز ەتەدٸ.
ONAY! الماتى قالاسى وقۋشىلارىنا ارنالعان جەڭٸلدٸكپەن بەرٸلەتٸن ۆيرتۋالدى كارتالاردىڭ پيلوتتىق جوباسىن ٸسكە قوستى, سونداي-اق ۆيرتۋالدى كارتالار ٷشٸن جاڭا جول جٷرۋ ابونەمەنتتەرٸن ۇسىندى. بۇل تسيفرلىق شەشٸمدەر قالا تۇرعىندارى ٷشٸن قوعامدىق كٶلٸكتٸ پايدالانۋدى جەڭٸلدەتۋگە, قاۋٸپسٸز جەنە قولجەتٸمدٸ ەتۋگە باعىتتالعان.
پلاستيكالىق كارتانىڭ ورنىنا - تسيفرلىق فورمات.
ەندٸ بالاعا پلاستيكالىق كارتانى ٶزٸمەن بٸرگە الىپ جٷرۋدٸڭ قاجەتٸ جوق — جول اقىسىن تٸكەلەي سمارتفون ارقىلى تٶلەۋگە بولادى. الماتى قالاسىنىڭ وقۋشىلارىنا ارنالعان جەڭٸلدٸكپەن بەرٸلەتٸن ۆيرتۋالدى كارتانى اتا-انالار ٶز تەلەفوندارىندا ONAY! موبيلدٸ قوسىمشاسى ارقىلى ونلاين رەسٸمدەي الادى. پروتسەسس تولىق اۆتوماتتاندىرىلعان: اتا-انا ٶز جەنە بالاسىنىڭ دەرەكتەرٸن راستايدى, سودان كەيٸن جٷيە پايدالانۋشىنىڭ كەلٸسٸمٸ نەگٸزٸندە قاجەتتٸ اقپاراتتى مەملەكەتتٸك دەرەكتەر قورىنان الادى. تەلەفون جوعالعان جاعدايدا, اككاۋنتتى قالپىنا كەلتٸرۋدٸ ONAY! قوسىمشاسىندا ٶز بەتٸنشە جاساۋعا بولادى - قىزمەت كٶرسەتۋ ورتالىقتارىنا بارۋدىڭ قاجەتٸ جوق.
ەكولوگييالىق ەسەر جەنە پلاستيكتٸ ازايتۋ.
جەڭٸلدٸكپەن بەرٸلەتٸن ۆيرتۋالدى كارتالاردىڭ ٸسكە قوسىلۋى پلاستيكالىق كارتالاردى پايدالانۋدى ازايتىپ, قورشاعان ورتاعا تٷسەتٸن سالماقتى تٶمەندەتۋگە مٷمكٸندٸك بەرەدٸ. تسيفرلىق فورماتقا كٶشۋ الماتى قالاسىنىڭ ەكولوگييالىق تۇراقتىلىق پەن «جاسىل» تسيفرلاندىرۋ ماقساتتارىن قولدايدى, وسىلايشا قوعامدىق كٶلٸك تەك ىڭعايلى عانا ەمەس, ەكولوگييالىق «تازا» دا بولا تٷسەدٸ.
قاۋٸپسٸزدٸك جەنە مەملەكەتتٸك سەرتيفيكاتتاۋ
اتالعان جوبالاردى جٷزەگە اسىرۋ بارىسىندا ONAY! قازاقستان رەسپۋبليكاسىنىڭ مەملەكەتتٸك تەحنيكالىق قىزمەتٸ ارقىلى اقپاراتتىق قاۋٸپسٸزدٸك سالاسىندا سىناقتان سەتتٸ ٶتتٸ. نەتيجەلەر جٷيەنٸڭ تيٸستٸ دەڭگەيدە قورعالعانىن جەنە بەلگٸلەنگەن تالاپتارعا ساي ەكەنٸن راستادى. بۇل ينتەگراتسييانىڭ مەملەكەتتٸك اقپاراتتىق جٷيەلەرمەن قاۋٸپسٸز بايلانىسىن جەنە پايدالانۋشىلار كەلٸسٸمٸ نەگٸزٸندە دەربەس دەرەكتەردٸ الۋ مٷمكٸندٸگٸن قامتاماسىز ەتتٸ.
بارلىق ۆيرتۋالدى كارتالارعا ارنالعان جاڭا جول جٷرۋ ابونەمەنتتەرٸ.
وقۋشىلارعا ارنالعان جەڭٸلدٸكپەن بەرٸلەتٸن ۆيرتۋالدى كارتالارمەن قاتار ONAY! الماتى مەن قاراعاندى قالالارىنىڭ بارلىق ۆيرتۋالدى كارتالارى ٷشٸن جاڭا جول جٷرۋ ابونەمەنتتەرٸن ٸسكە قوستى. ابونەمەنتتٸ ONAY! موبيلدٸ قوسىمشاسى ارقىلى ونلاين رەسٸمدەپ, تٶلەم جاساۋعا بولادى. بۇل شەشٸم جولاۋشىلارعا كٶلٸك شىعىندارىن الدىن الا جوسپارلاۋعا جەنە تاڭداعان مەرزٸم ٸشٸندە قوعامدىق كٶلٸكتٸ شەكتەۋسٸز پايدالانۋعا مٷمكٸندٸك بەرەدٸ.
ەلەۋمەتتٸك ماڭىزى جەنە دامۋ جوسپارلارى.
جوبا قوعامدىق كٶلٸكتٸڭ قولجەتٸمدٸلٸگٸن ارتتىرۋعا, حالىققا قىزمەت كٶرسەتۋ ورتالىقتارىنداعى جٷكتەمەنٸ ازايتۋعا جەنە پلاستيكالىق كارتالاردى پايدالانۋدى قىسقارتۋعا ىقپال ەتەدٸ. بۇل ٶز كەزەگٸندە قالانىڭ تۇراقتى دامۋ مەن تسيفرلاندىرۋ ماقساتتارىن قولدايدى. پيلوتتىق كەزەڭ اياقتالعاننان كەيٸن ONAY! جوبانى باسقا دا جەڭٸلدٸك ساناتتارىنا — ستۋدەنتتەر مەن زەينەتكەرلەرگە كەڭەيتۋدٸ جەنە باسقا قالالاردا ەنگٸزۋدٸ جوسپارلاپ وتىر. كومپانييا سونىمەن قاتار تسيفرلىق سەرۆيستەردٸ دامىتىپ, پايدالانۋشىلار تەجٸريبەسٸن جەتٸلدٸرۋدٸ جالعاستىرادى.
