Qazaqstan IIM birneshe memleketti qamtyǵan arnaiy operatsiia barysynda adamdardy jalǵan jumys usynystary arqyly esirtki biznesine tartqan halyqaralyq qylmystyq jeliniń jolyn kesti, dep habarlaidy ult.kz.
Bir jyldan astam ýaqytqa sozylǵan operatsiiaǵa Ýkraina, Albaniia, Qazaqstan quqyq qorǵaý organdary, Interpol jáne AQSh-tyń Esirtkige qarsy kúres basqarmasy qatysty.
Qylmystyq top call-ortalyq operatorlary, HR-menedjerler, himikter, kýrerler men logisterdi zańdy jumysqa ornalastyrýdy syltaýmen jaldaǵan. Alaida olardy esirtki biznesine tartqan.
Tergeý barysynda Ýkraina men Qazaqstanda 146 tintý júrgizilip, Telegram-daǵy 31 esirtki dúkeni anyqtaldy. Qylmystyq jeliniń 27 belsendi múshesi anyqtalyp, jeti adam ustaldy, taǵy toǵyz adamǵa aiyp taǵyldy.
Operatsiia kezinde 24 keli sintetikalyq esirtki qospasy, 3,5 myńnan astam qoldan jasalǵan shylym jáne eki myńǵa jýyq daiyn paket tárkilendi.
IIM azamattardy internettegi «ońai ári joǵary tabys» usynatyn kúmándi jumys habarlandyrýlarynan saq bolýǵa shaqyrdy.
